Omulingo ogw’Okukozesamu Ekicweka nk’Oku Osobora Kubaza n’Omuntu

Ab’oruganda batekamu amaani maingi kutekaniza enyanjura, kandi zikonyiire abatebezi baingi. Baitu habwokuba omu bicweka by’ensi enyikara nizahukana, abatebezi baine obugabe bw’okukozesa enyanjura zinu omu mulingo ogundi rundi kubazaaho ekintu ekindi ekirakwataho abantu ab’omu kiikaro kyabo. Baitu boona basemeriire kuhondera oburagirizi oburukukwata ha kampeini ey’embaganiza. Ekigendererwa kyaitu nukwo kuhikiriza ekiragiro kya Yesu eky’okutebeza amakuru amarungi ag’Obukama.​—Mat 24:14.

Abatebezi obubarukuba nibaha ebicweka by’abeegi, basemeriire kubazaaho ensonga erukubazibwaho omu nyanjura ez’omu katubu ak’Obwomeezi n’Obuheereza Bwaitu nk’Abakristaayo (ekyokurorraho, ensonga erukubazibwaho omu kwezi kwa Julaayi na Agusto niyo ekigendererwa kya Ruhanga hali abantu). Oihireho kyolekerwe kundi, baine obugabe bw’okukozesa ekikaguzo ekindi, ekyahandiikirwe ekindi, ekikaguzo ekindi ekibaratandikiraho rundi enyikara ebirukukora kurungi omu kiikaro ekibarukutebezaamu. Kinu nikihinduramu oburagirizi obwaiziire omu katabu ak’ensorrokano aka Juuni 2020 orupapura 8.