Kuheereza nka Payoniya

Tukozesa kurungi amaani gaitu obutweteraho ebigendererwa eby’omwoyo. (1Kol 9:26) Ebigendererwa binu bitukonyera kukozesa kurungi obwire obusigaireyo empero y’ensi enu etakahikire. (Bef 5:15, 16) Omu kuramya kwanyu okw’eka nimusobora kubazaaho ebigendererwa eby’omwoyo ebimwakugondeze kweteraho omu mwaka gw’obuheereza ogurukwija. Akatabu kanu karumu ebicweka ebirakukonyera kumanya ebigendererwa eby’osobora kutekerezaaho kandi okabiteeka n’omu saara.​—Yak 1:5.

Ekyokurorraho, ab’omu ka boona nibasobora kukwataniza nukwo basagike hakire omuntu omu kufooka payoniya ow’akasumi koona. Obworaaba n’otekereza ngu n’osobora kulemwa kuhikya esaaha, bazaaho na bapayoniya abali omu nyikara nk’eyaawe. (Nfu 15:22) Omu kuramya kwanyu okw’eka nimusobora kukaguzaaho payoniya. Hanyuma handiika entekaniza ez’osobora kuhondera. Obworaaba waherizeeho nka payoniya, tekerezaaho enyikara yaawe obweraaba n’ekusobozesa kwongera kuheereza omu mulingo ogu.

Abamu omu ka yanyu nibasobora kuheereza nka bapayoniya abasagiki habw’okwezi kumu n’okukiraho. Obworaaba otaine maani, n’osobora kuheereza nka payoniya omusagiki kakuba buli kiro otebeza habw’obwire buke. Obworaaba oine obwire buke obw’okutebeza hagati omu wiiki habw’okuba oba oli ha mulimo rundi ha isomero, n’osobora kukomamu okwezi okurumu oruhuumuro rundi okwine wikeendi itaano. Handiika ha kalenda ni di obworukugonza kuheereza nka payoniya omusagiki kandi ohandiike enteekaniza ey’orahondera.​—Nfu 21:5.

MUROLE VIDIYO BA PAYONIYA . . . OMUMANZI, HANYUMA MUGARUKEMU EBIKAGUZO BINU:

• Yahwe akakonyera ata Munyaanya itwe Aamand? Ekyokurorraho kinu nikitwegesa ki?