Wakugondeze Kwijuza Foomu ey’Okugenda omu Isomero ly’Abatebezi b’Obukama?

Oli hagati y’emyaka 23 hamu na 65 kandi oli omu buheereza obw’akasumi koona? Oine obwomeezi oburungi kandi n’osobora kuheereza nambere hali obwetaago? Obukiraaba nukwo kiri, wakugondeze kwijuza foomu ey’okugenda omu Isomero ly’Abatebezi b’Obukama? Kuruga isomero ery’omurundi ogw’okubanza litandika, enkumi n’enkumi z’ab’oruganda na banyaanya itwe abali omu buswere, hamu n’abatali omu buswere basoboire kwijuza foomu. Baitu nitwetaaga nab’oruganda baingi abatakatahire obuswere kusaba. Saba Yahwe akuhe omutima ogw’okugonza kumusemeza hamu n’okuhondera eky’okurorraho ky’Omwana we. (Zab 40:8; Mat 20:28; Baheb 10:7) Hanyuma tekerezaaho emiringo osobora kukora empindahinduka omu bwomeezi bwawe nukwo osabe.

Ab’oruganda na banyaanya itwe abagenzere omu isomero linu, basoboire kwetaba omu buheereza bwa mulingo ki? Abamu basoboire kusindikwa kuhereeza omu biikaro nambere barukubaza endimi ezindi rundi kwetaba omu kutebeza okw’omu rwijwire. Hanyuma y’akasumi, abamu baheereza nk’abakonyezi b’abaroleerezi b’ebicweka rundi nk’abamiisani. Obworaaba n’otekerezaho ebintu eby’osobora kukora omu kuheereza Yahwe, ba n’omutima nk’ogwa nabbi Isaya ayagambire ati: “Nyowe ndi hanu; tuma nyowe”​—Is 6:8.

MUROLE VIDIYO ABAMIISANI​—BAKOZI OMU MULIMO OGW’OKUGESA, HANYUMA MUGARUKEMU EBIKAGUZO BINU:

• 

  Abamiisani bakomwa bata?

• 

  Mulimo ki omurungi abamiisani ogubarukukora?

• 

  Migisa ki ey’eruga omu kuheereza nk’omumiisani?