Okuhikiriza Kurungi Obuheereza Bwaitu​—Kutebeza Kurabira ha Kamera Rundi Esimu Eziba Aheeru y’Ebyombeko

HABWAKI KIKURU: Kukurakurana omu bya tekinolojiya hamu n’okweyongera kw’obucwi bw’ebiragiro biretiira abantu kweyongera kukozesa kamera hamu n’amasimu omu maka gaabo. Nitusobora kuhurra tutiinire obuturukuba nitulengaho kutebeza amakuru amarungi omuntu oututarukurora baitu uwe naturora. Okwijukibwa kunu nikwija kutukonyera kuhurra tugumire obuturukuba nitutebeza omuntu kurabira omu kamera rundi esimu eziba aheeru y’ebyombeko.

OMULINGO OGW’OKUKIKORAMU:

• Ba n’entekereza enungi. Baingi h’abantu tutebeza abaine kamera rundi esimu aheeru y’ebyombeko byabo, bakira kugonza kubaza naitwe

• Ijuka ngu kamera ezimu zitandika kukwata vidiyo n’obwoba otakatiire akade, kandi omuntu anyakuli munda n’asobora kuba nakurora kandi n’ahurra ebyorukubaza aho naaho obwohika ha nju ye

• Kakuba mukama w’enju akugarukamu, baliza ha kamera rundi ha simu egi nkarukubaza n’omuntu ogu maiso ha maiso. Mwegerra kandi okozese ebicweka byawe eby’omu biri nk’abuli kiro. Baza ebintu byonyini eby’obaire otekaniize kubaza kakuba abaire aizire kubaza naiwe maiso ha maiso. Obworukuba n’obaliza ha kamera, leka kwiriza obuso bwawe haihi nayo ekihinguraine. Kakuba omuntu wena atakugarukamu, otasiga obutumwa

• Ijuka ngu n’obumurukuba mumazire kubaza, omuntu ogu n’asobora kugumizaamu n’abarora rundi n’abahuliiriza