OBWOMEEZI BWAITU NK’ABAKRISTAAYO

Kiki Ekitusobora Kwegera h’Abakristaayo Abamazire Emyaka Nyingi Nibaheereza Yahwe?

Omu bitebe byaitu harumu ab’oruganda na banyaanya itwe abamazire emyaka nyingi nibaheereza Yahwe. Kiki ekitusobora kwegera ha mulingo bolekere ngu nibesiga Yahwe. Nitusobora kubakaguzaho ebyafaayo ebirukukwata ha kitebe kya Yahwe, hamu n’omulingo Yahwe abakonyiremu kugumiisiriza ebizibu. Nitusobora kubaraliza omu kuramya kwaitu okw’eka kandi tubasabe kutugambira ebibarabiremu.

Obworaaba oli Mukristaayo ow’amazire emyaka nyingi n’oheereza Yahwe, gambiraho abato omulingo Yahwe akukonyiremu. Yakobo na Yusufu bakagambiraho abaana babo ha mulingo Yahwe yabakonyiremu. (Kub 48:21, 22; 50:24, 25) Yahwe nagonza banyineka begese abaana baabo ha mirimo ye ey’amaani. (Bir 4:9, 10; Zab 78:4-7) Omu kasumi kanu abazaire hamu n’abandi omu kitebe, nibasobora kugambira abakyali bato ha bintu eby’amaani ebibarozere Yahwe nakora kurabira omu kitebe kye.

MUROLE VIDIYO KWIKARA OMU BUMU, OMULIMO GWAITU OBUGURUKUBA GUTANGIRWE, HANYUMA MUGARUKEMU EBIKAGUZO BINU:

Ofiisi y’itaagi ey’omu Austria ekakonyera eta ab’oruganda abakaba bali omu mahanga agamu nambere omulimo gwaitu gwali gutangirwe?
Ab’oruganda omu mahanga ganu bakakora ki kwikaza okwikiriza kwabo kugumire?
Habwaki abatebezi omu ihanga lya Romania bayecwireho ekitebe kya Yahwe, kandi kiki ekyabaletiire kugaruka?
Ebintu binu nibigumya bita okwikiriza kwawe?

Ebisisani: Ebisisani ebirukwoleka ebintu ebiri omu vidiyo ‘Kwikara Omu Bumu, Omulimo Gwaitu Obugurukuba Gutangirwe.’ 1. Maapu ey’erukwoleka amahanga ag’omu Burugaizooba bwa Bulaaya nambere omulimo gwaitu gukaba gutangirwe. 2. Ekyoma ekyakozesebwaga kuhandiika ha mpapura. 3. Ab’oruganda ob’omu ihanga lya Romania nibagwangana omu kifuba. — Lengaho kumanya bingi kuruga omu Bakristaayo abamazire emyaka nyingi nibaheereza Yahwe!