Okuhikiriza Kurungi Obuheereza Bwaitu​—Ba Muntu Arukuhindahinduramu

HABWAKI KIKURU: Abaseserweho amagita hamu n’ab’entaama ezindi baraaliza abantu boona kwija ‘kutwara amaizi ag’obwomeezi habwabusa.’ (Kus 22:17) Amaizi ganu, nigakikirra ebintu byona ebya Yahwe ataireho kucungura abantu abarukumworobera kuruga omu kibi n’okufa. Kusobora kukonyera abantu abaine emigenzo n’enyikiriza ezirukwahukana, tusemeriire kubahikyaho amakuru amarungi omu mulingo oguraabasikiiriza.​—Kus 14:6.

OMULINGO OGW’OKUKIKORAMU:

• Kozesa isomo rundi ekyahandiikirwe ekiraahika ha mitima y’abantu ab’omu kiikaro kyanyu. N’osobora kukozesa ekicweka “nk’Oku Osobora Kubaza n’Omuntu” kutunga enyanjura ez’okukozesa rundi kozesa enyanjura ei wakozesezeeho kandi yarugamu ebirungi. N’osobora n’okukozesa enyanjura n’ebyahandiikirwe abantu ebibakira kugonza, kubazaaho ebintu ebibaire omu makuru, rundi kubazaaho ebintu abasaija rundi abakazi bakira kugonza.

• Otakabalize n’abantu, banza obaramukye omu mulingo baramukyamu omu kiikaro eki.​—2Kol 6:3, 4

• Wemanyize kukozesa ebitabu hamu na vidiyo ebiri omu Bikwato Byaitu Ebitukozesa Kwegesa, kusobora kutebeza omuntu arukugonza kwega amananu

• Hanura ebitabu rundi vidiyo ebiri omu ndimi ezirukwahukana ez’abantu ab’okira kusanga omu kiikaro nambere otebeza

• Hinduramu enyanjura yaawe kusigikirra ha byetaago eby’omuntu ow’orukutebeza. (1Kol 9:19-23) Ekyokurorraho, kiki eky’osobora kugambira omuntu kakuba okyetegereza ngu nubwo arugire kufeerwa?

MUROLE VIDIYO, HANYUMA MUGARUKEMU EBIKAGUZO BINU:

• Nyanjura ki omutebezi ey’atandikire nayo?

• Bizibu ki ou batebiize ebyarukurabamu?

• Byahandiikirwe ki ebiyakukozeseze omu nyikara egi, kandi habwaki?

• Iwe okora ki kuhinduramu enyanjura yaawe nukwo ohike abantu ab’omu kiikaro kyanyu ha mutima?