Ekigambo kya Ruhanga Okitwara Kuba ky’Omuhendo Kuhika ha Rulengo Ki?

Baibuli erumu entekereza n’ebigambo bya Yahwe kandi nuwe yagihandikisize (2Pet 1:20, 21) Habwokuba Baibuli ebazaaho muno ensonga ya Ruhanga kweza ibara lye nakozesa Obukama bwe, ekonyera abantu kutunga okunihira ngu omu kasumi ak’omu maiso ebintu nibiija kusemera. Baibuli eyongera eyoleka emiringo enungi Isitwe Yahwe ey’aine.​—Zab 86:15.

Itwena twine ensonga ezirukwahukana habwaki tutwara Ekigambo kya Yahwe kuba eky’omuhendo. Baitu twoleka ngu, Ekigambo kya Ruhanga nitukitwara kuba ky’omuhendo obu nitukisoma buli kiro kandi nituteeka omu nkora ebintu ebiturukuba tusomere? Leka ebikorwa byaitu byona byoleke ngu nitusiima nk’oku omuhandiiki wa Zabuli yasiimire, obuyagambire ati: “Ebiragiro byawe nimbigonza muno!” ​—Zab 119:97.

MUROLE VIDIYO AKACWEKA KURUGA OMU VIDIYO BAATWARAGA BAIBULI KUBA EY’OMUHENDO (WILLIAM TYNDALE), HANYUMA MUGARUKEMU EBIKAGUZO BINU:

• 

  Habwaki William Tyndale yahindwire ebicweka ebimu ebya Baibuli?

• Habwaki amaani agayatairemu kuhindura Baibuli gaali g’omugaso?

• Baibuli eyahindwirwe Tyndale ekahika eta omu Bungereza?

• Itwena nitusobora kwoleka tuta ngu nitutwara Ekigambo kya Ruhanga kuba eky’Omuhendo?