OBWOMEEZI BWAITU NK’ABAKRISTAAYO

Engeso Enungi Hamu n’Ekitiinisa eky’Amaani Nibyo Bisingura Omutima

Engeso enungi ez’abakazi Abakristaayo abaswirwe, nizo zikira kusikiriza abasaija baabo kwega amananu. Baitu kinu nikisobora kwetaagisa omukazi kugumisiriza kumara emyaka nyingi. (1Pet 2:21-23; 3:1, 2) Obworaaba notwazibwa kubi, ikara n’osingura obubi n’oburungi. (Bar 12:21) Musaija wawe nasobora kutahuliiriza eby’orukumutebeza, baitu nasobora kuhindura entekereza ye habw’ekyokurorraho kyawe ekirungi.

Lengaho kurora ensonga omu mulingo musaija wawe arukuziroramu. (Baf 2:3, 4) Mwoleke embabazi kandi lengaho kuhikiriza kurungi obujunanizibwa bwawe nk’omukazi. Ba muntu arukuhuliiriza kurungi. (Yak 1:19) Mugumisirize kandi omwoleke ngu n’omugonza. N’obukiraaba ngu musaija wawe takutekamu ekitinisa rundi takwoleka embabazi nk’oku iwe okora, okimanye ngu Yahwe nasiima obwesigwa bwawe.—1Pet 2:19, 20.

MUROLE VIDIYO YAHWE ATUHA AMAANI KWETWEKA EMIGUGU YAITU, HANYUMA MUGARUKEMU EBIKAGUZO BINU:

Obwomeezi bwa Grace Li bukaba buli buta obwakaba yakaswerwa?
Kiki ekyamuletiire kugonza kwega amananu?
Munyanya itwe Li akagumisiriza ata ebizibu hanyuma y’okubatizibwa?
Munyanya itwe Li akaba nasabira ata iba?
Migisa ki munyanya itwe Li ey’atungire habw’engeso ze enungi n’okutekamu iba ekitinisa?

Ebisisani: Ebisisani ebiihirwe omu vidiyo ‘Yahwe Atuha Amaani Kwetweka Emigugu Yaitu,’ nibyoleka Grace Li nakurakurana. 1. Grace ali mukorido narra. 2. Munyaanya itwe nayega Baibuli na Grace. 3. Grace n’abaana be nibaruga omu hoteeri yabo kugenda omu rusorrokano. 4. Grace n’ab’omu ka ye boona hamu mwenda bali ha Kyombeko ky’Obukama. — Engeso enungi hamu n’ekitinisa biina amaani maingi!