Ensingaanto​—Mwekambe Kukora Ebirungi

Omu bbaruha omukwenda Paulo yahandikiire Tito, akamugambira ngu abasaija abakyali bato otwaliiremu na Tito, basemeriire kwekamba muno kuba ‘ekyokurorraho ekirungi omu kukora emirimo emirungi.’ (Tit 2:6, 7) Omu suura egi yonyini, akongera yayoleka ngu Yesu akaba nagenda okweza abantu ba Yahwe nukwo basobole kwekambira ‘emirimo enungi.’ (Tit 2:14) Gumu ha mirimo emirungi nugwo ogw’okutebeza n’okwegesa amakuru amarungi agarukukwata ha Bukama bwa Ruhanga. Obworaaba okyali muto, habwaki otakozesa amaani gaawe ag’obuto kuheereza nka payoniya omusagiki rundi ow’akasumi koona?​—Nfu 20:29.

Obworaaba nogonza kuheereza nka payoniya ow’akasumi koona, tandika kara kukora entekaniza nukwo osobole kufooka. (Luk 14:28-30) Nk’ekyokurorraho, kora entekaniza ey’erasobora kukukonyera kwehikyaho ebyetaago byawe obworaaba noheereza nka payoniya ow’akasumi koona. Kandi kora entekaniza ey’erakukonyera kusobora kuhikiriza esaaha ez’osemeriire kukora nka payoniya. Saba Yahwe akukonyere. (Zab 37:5) Gambiraho abazaire baawe entekaniza zaawe kandi oyehanuzeeho ab’oruganda abamazire akasumi nibaheereza nk’abapayoniya. Hanyuma, tekamu amaani kuhikiriza ekigendererwa kyawe kandi Yahwe naija kukuha emigisa habw’okwekamba kwawe omu buheereza.

MUROLE VIDIYO ENSINGAANTO ABARUKUHAISA YAHWE EKITIINISA HANYUMA MUGARUKEMU EBIKAGUZO BINU:

• Bizibu ki abamu ebi basoboire kurabamu kusobora kuheereza nk’abapayoniya, kandi bakakikora bata?

• Abazaire nibasobora bata kukonyera abaana baabo kufooka abapayoniya abakasumi koona?

• Habwaki kikuru kuba n’entekaniza enungi ey’okugenda omu buheereza?

• Ab’oruganda omu kitebe, nibasobora bata kukonyera abapayoniya n’okubagarramu amaani?

• Abaheereza nk’abapayoniya batunga migisa ki?