Semezaamu Omulingo Orukwesomesa Nukwo Oyeyongere Kugasirwa

HABWAKI KIKURU: Okwesomesa Ekigambo kya Ruhanga kitukonyera kwetegereza ‘okugaliha, obuhango, okuraiha, n’okuhama’ okw’amananu. (Bef 3:18) Kandi kitukonyera kwikara tutaine kamogo koona omu nsi enu embi hamu n’okwikara ‘tukwatiire kimu ekigambo eky’obwomeezi.’ (Baf 2:15, 16) Okwesomesa Ekigambo kya Ruhanga kitukonyera kutunga obuhabuzi obutusemeriire kuta omu nkora nk’abantu. Bintu ki ebitusobora kukora nukwo tukagasirwa omu bwire turukumara nitwesomesa Baibuli?

OMULINGO OGW’OKUKIKORAMU:

• Sazaaho enkarra kandi ohandiike ensonga ez’oyegere omu Baibuli yaawe ey’okozesa kwesomesa, ha rupapura rundi ha kyoma kyawe ekyakalimagezi

• Obworaaba n’osoma Ekigambo kya Ruhanga wekaguze ebikaguzo binu: ‘Noha? Kiki? Nidi? Nkaha? Habwaki? Omu mulingo ki?’

• Manya ebihikire. Kozesa ebikwato byaitu byona ebitwine kuseruliiriza h’amasomo rundi Ebyahandiikirwe

• Wecumitirize ha by’osomere nukwo omanye omulingo birukukukwataho

• Teeka omu nkora eby’oyegere buli kiro.​—Luk 6:47, 48

MUROLE VIDIYO KWATIRA KIMU OTALEKERA EKIGAMBO​—KURABIRA OMU KWESOMESA KURUNGI, HANYUMA MUGARUKEMU EBIKAGUZO BINU:

• Bintu ki abamu ebibabaza ha bikwateraine n’okwesomesa?

• Habwaki tusemeriire kubanza kusaba tutakatandikire kwesomesa?

• Kiki ekisobora kutukonyera kwetegereza kurungi ebiturukuba tusomere omu Baibuli?

• Manyikirizo za mulingo ki ezitusobora kuta omu Baibuli eyitukozesa omu kwesomesa?

• Habwaki kikuru muno kwecumitiriza obw’orukuba n’oyesomesa Ekigambo kya Ruhanga?

• Nitusobora tuta kukorra ha bintu ebitwegere?