“Titujwaha”

4:16-18

Tekerezaaho amaka ganu abiri agarukwikara omu kyombeko ekinyakuli omu nyikara embi. Eka emu eyeralikiriire habw’enyikara enu embi, baitu kandi eka endi eine okusemererwa kwingi. Habwaki? Habwokuba omu bwire obutali bwahara niija kufurukira omu nju empyaka.

N’obukiraaba ngu “ebihangirwe byona nibisinda nibisasira hamu okuhikya na hati,” abaheereza ba Ruhanga baine okunihira okurukubagumya. (Bar 8:22) Tukimanyire ngu ebizibu ebiturukutunga hati, n’ebitwikaire nabyo kumara akasumi, by’akacu kake kandi tibirukulemeera kakuba obirengesaniza n’obwomeezi obutahwaho obutulitunga omu nsi empyaka. Omutima obuturaguta ha migisa Obukama bwa Ruhanga buraleeta, nikiija kutuletera okusemererwa n’okutajwaha.