Abazaire, Mukonyere Abaana Banyu Kuba Basinguzi

Abazaire Abakristaayo baba n’ekihika eky’okurora abaana baabo nibaheereza Yahwe n’obwesigwa. Abazaire nibasobora kukonyera abaana baabo kukikora obu babegesa amananu kurugira kimu omu buto. (Bir 6:7; Nfu 22:6) Kinu nikyetagisa okwefeereza kw’amaani. Baitu ebirugamu biba birungi.​—3Yoh 4.

Abazaire nibasobora kwegera bingi ha kyokurorraho kya Yusufu na Malyamu. N’obukiraaba ngu kyayetagisaaga kutekamu amaani na sente, bazaire ba Yesu “bagendaga Yerusalemu omwaka nomwaka ha bugenyi obwokuhingurwaho.” (Luk 2:41) Yusufu na Malyamu bayebembezaaga ebyetaago by’eka yabo eby’omwoyo. N’omu kasumi kanu, abazaire nibasobora kukonyera abaana baabo kumanya omuhanda oguhikire kandi kinu bakikora obu bakozesa buli mugisa gwona kubegesa omu bigambo hamu n’omu bikorwa.​—Zab 127:3-5.

MUROLE VIDIYO BAKAKOZESA BULI MUGISA GWONA, HANYUMA MUGARUKEMU EBIKAGUZO BINU:

• Jon na Sharon Schiller bakebembeza bata Obukama obu baali nibakuza abaana baabo?

• Habwaki abazaire basemeriire kwegesa, kuhabura, n’okuhana buli mwana kusigikirra ha byetaago bye?

• Abazaire nibasobora bata kukonyera abaana baabo kwetekaniriza okulengwa?

• Bikwato ki kuruga omu kitebe kya Yahwe eby’okozeseze kukonyera abaana baawe kukurakurana omu by’omwoyo?