Kuhikiriza Kurungi Obuheereza Bwaitu​—Kukoonyera Abeegi ba Baibuli Kukurakurana Kuhika ha Idaara ly’Okwehayo n’Okubatizibwa

HABWAKI KIKURU: Kusobora kusiimibwa Yahwe, abeegi ba Baibuli basemeriire kwehayo n’okubatizibwa. (1Pet 3:21) Abo abaikara bali besigwa hanyuma y’okwehayo batunga obulinzi omu by’omwoyo. (Zab 91:1, 2) Omukristaayo asemeriire kwehayo hali Yahwe hatali omuntu weena, omulimo, rundi ekitebe ky’abantu. Nahabweki, abeegi ba Baibuli basemeriire kukurakurana omu kugonza n’okusiima Ruhanga.​—Bar 14:7, 8.

OMULINGO GW’OKIKORAMU:

• Obu muraaba nimwega, yoleka omwegi omulingo ebimurukwega birukukwata hali Yahwe. Mutererre kusoma Baibuli hamu n’okusaba buli kiro.​—1Bas 5:17; Yak 4:8

• Koonyera omwegi waawe kuba n’ekigendererwa eky’okwehayo hamu n’okubatizibwa. Kandi mwoleke n’ebiramukoonyera kuhikiriza ebigendererwa binu nka kugarukamu omu nso’rokano, kutebeza abatahi hamu n’abarukukora n’abo. Kiijuke ngu Yahwe tahambiriza abantu kumuramya nahabweki omuntu weena arukugonza kumuheereza asemeriire kwecweramu.​—Bir 30:19, 20

• Tereera omwegi waawe kukora empinduka ezirukwetagisibwa nukwo asobole kusemeza Yahwe kandi abatizibwe. (Nfu 27:11) N’asobora butanguha kuhindura engeso ezimu nahabweki asemeriire kwikara nakora empinduka nukwo asobole kujwara omuntu omuhyaka. (Bef 4:22-24) Mwoleke Watchtower ezirumu ebicweka “The Bible Changes Lives”

• Mugambire ebirungi eby’otungire habw’okuheereza Yahwe.​—Is 48:17, 18