WEKAMBIRE OBUHEEREZA
KUHIKIRIZA KURUNGI OBUHEEREZA BWAITU—Teekaniza Enyanjura Eyawe Habwawe ey’Orakozesa Kugaba Magaziini
HABWAKI KIRI KIKURU: N’obukiraaba ngu akatabu k’enso’rokano kabamu enyanjura ezitusobora kukozesa, baba bazituteriireho nk’eby’okurorraho. N’osobora kukozesa enyajura zinu baitu omu bigambo byawe habwawe, rundi n’osobora n’okukozesa enyanjura endi ey’orukurora ngu n’esobora kukoonyera abantu nambere mutebeza. Obworaaba n’ogonza kukozesa enyanjura eyawe habwawe, banza osome magaziini, orabemu enyanjura eziri omu katabu kanu, kandi orole na vidiyo nukwo osobole kutekaniza enyanjura eyawe habwawe.
OMULINGO GW’OKUKIKORAMU:
Wekaguze, ‘N’akugondeze kukozesa enyanjura enyakuli omu katabu kanu?’
EGO
Teekaniza ebigambo eby’orakozesa obworaaba n’otandika kubaza n’omuntu. Obworamara kumurakya, mugambire ensonga ekulesere. (Ekyokurorraho: “Nyizire hanu . . .”)
Teekaniza omulingo oramukaguzaamu, omulingo oratahyamu ekyahandiikirwe, n’ekitabu eky’oramusigira. (nk’Ekyokurorraho, obw’oraaba n’ogonza kumusomera ekyahandiikirwe, osobora kumugamba ngu: “Ekyahandiikirwe kinu nikigarukamu kurungi ekikaguzo eki nkukagwize.”)
NANGWA
Komamu kimu ha bicweka ekikusemiize kuruga omu magaziini kandi eky’orukurora ngu kirakwata ha bantu nambere mutebeza
Teekereza ha kikaguzo kindi eky’oramukaguza nukwo akakugambira enteekereza ye ha bimurukubazaaho. Kitaba kikaguzo ekigumire. (Ekyokurorraho: nk’Ebikaguzo ebiba omu magaziini orupapura 2.)
Koma ekyahandiikirwe eky’oramusomera. (Obworaaba n’ogaba Awake! osobora kucwamu kusoma ekyahandiikirwe rundi butakisoma, habwokuba magaziini enu eteerwa kukoonyera abantu abatagendera muno ha bya Baibuli rundi eby’ediini.)
Teekaniza ebigambo bike eby’orabazaaho ebiramukoonyera kurora omulingo magaziini esobora kumukoonyera
KUSIGIKIRA HA KY’OCWIREMU KUKORA
Teekaniza ekikaguzo ekimurabazaaho omurundi gundi
Handiika ekintu eky’orukugonza kubazaaho omurundi ogundi