‘Rubatira omu Muhanda ogw’Okwikiriza, Otahondera Ebyorukurora’

Hakaba hasigaireyo akasumi kake Yerusalemu ehwerekerezebwe, omukwenda Paulo akahandiika nagamba, Abakristaayo bali nk’abasirikale abarungi aba Kristo. Kandi akabaijukya nk’oku abasirikale baikara bamanyire ngu akaire koona ebizibu bisobora kubaho, nahabwekyo tibasemeriire kutwara okwesemeza kwabo nk’ekintu ekikuru muno. (2 Tim. 2:3, 4) Nk’oku ensi eri haihi kuhwerekerezebwa, nikyetaagisa okwikiriza kw’amaani kurora twayebembeza ebintu eby’omwoyo. (2 Kol. 4:18; 5:7) Rora vidiyo ‘Walk by Faith, Not by Sight.’ (Genda ha jw.org, nambere hali PUBLICATIONS > VIDEOS.) Wetegereze omulingo okugonza muno itungo kyafookere mutego ogwarugiriiremu Naham na Abital okufa. Hanyuma, murabemu ebikaguzo binu.

(1) “Ekinugwa . . . kyemeriire omu kiikaro ekirukwera” kyali nikyo kiha, kandi Abakristaayo abakaba nibaikara omu Yerusalemu bakaba basemeriire kukora ki? (Mat. 24:15, 16) (2) Habwaki kwiruka kuruga omu rubuga kyali nikyetaagisa kuba n’okwikiriza? (3) Kwiruka kuruga omu rubuga kikaba nikyetaagisa kwefereza bintu ki? (4) Habwaki Naham na Abital bakakeerererwa kuruga omu rubuga? (Mat. 24:17, 18) (5) Rachel akatunga kulengesebwa ki obwakaba naruga Yerusalemu? (Mat. 10:34-37; Mar. 10:29, 30) (6) Ethan akatekaho ky’okurorraho ki eky’okwikiriza n’obwesige omuli Yahwe? (7) Bizibu ki ebi abakristaayo batungire omu Pella? (8) Okwikiriza kwa Naham na Abital kukeyongera kuta kukeeha? (9) Yahwe akakoonyera ata Abakristaayo abaali nibaikara omu Pella? (Mat. 6:33; 1 Tim. 6:6-8) (10) Nitusobora tuta kuhondera ekyokurorraho kya Iburahimu na Sara omu biro binu eby’aha mpero? (Baheb. 11:8-10) (11) Naham na Abital bakekambisangana bata kugaruka Yerusalemu, kandi habwaki enteekereza enu ekaba mbi muno? (Luk. 21:21) (12) Naham na Abital bakasanga obwomeezi buli buta omu Yerusalemu? (13) Habwaki tusemeriire kwombeka okwikiriza kwaitu omu kasumi kanu​—ensi etakahwerekereziibwe?​—Luk. 17:31, 32; 21:34-36.

Kurubatira omu kwikiriza kimanyisa (1) kwesiga oburagirizi Yahwe arukutuheereza, (2) kuhondera oburagirizi obu, kandi (3) kusiima ebintu eby’omwoyo kukira eby’omubiri. Leka tweheyo kurubatira omu kwikiriza, nitukigumya ngu ‘ensi nehwaho n’okwegomba kwayo, baitu arukukora Ruhanga eby’agonza aliikaraho ebiro n’ebiro.’​—1 Yoh. 2:17.