Nitwetaaga Kuteekaniza Kurungi Kusobora Kwegesa Kurungi

Yesu akakaguzibwa ekikaguzo ekirukukwata ha bwomeezi obutahwaho emirundi ebiri, baitu buli murundi yagarukamuga n’ayoleka omuntu eby’arukwetaaga. (Luk. 10:25-28; 18:18-20) Nahabwekyo n’obuturaaba tumanyire kurungi ebiri omu katabu, twine kuteekereza ha byetaago by’omwegi nituteekaniza ebi turamwegesa. Kirungi kwekaguza, bintu ki eby’asobora kusanga bigumire kwetegereza rundi kwikiriza? Turasoma byahandiikirwe ki? Turayega birukwingana nkaha? Nikisobora n’okwetaagisa kuteekaniza eby’okurorraho n’ebikaguzo ebiratukoonyera kusoborra kurungi ebintu, omwegi akeetegereza ebiturukumwegesa. Nkoku kiri ngu Yahwe nuwe akuza embibo ey’amananu omu mutima gw’omwegi, kikuru muno kumusaba atuheereze omugisa nituteekaniza, nukwo tusobole kukoonyera omwegi kukurakurana omu by’omwoyo kandi n’omwegi amukoonyere kwetegereza eby’arukwega.—1 Kol. 3:6; Yak. 1:5.