Ekigambo kya Ruhanga Nikikorra omu Bwomeezi Bwawe?

Okusoma Baibuli butoosa nikisobora kutukoonyera kwikara ‘tuhamire’ kandi ‘tugumire omu kwikiriza.’ (Bak. 2:6, 7) Obuturaaba nitugonza Ekigambo kya Ruhanga kitukoonyere omu bwomeezi bwaitu, tusemeriire kucumitiriza ha bitusomere kandi tubiteeke omu nkora. (Baheb. 4:12; Yak. 1:22-25) Yosuha 1:8 nirwoleka emiringo esatu eyiturukusobora kuhondera obuturaaba nitusoma Baibuli: (1) Soma Ekigambo kya Ruhanga “nyamusana nekiro.” (2) “Olikitekererezamu,” nikimanyisa ngu osemeriire kusoma omu mulingo ogurakusobozesa kwecumitiriza n’okuteramu akasisani omulingo ebintu eby’orukusoma byabaire. (3) kandi “okolege byona nkokubyahandikirwemu.” Obworateeka amagezi ganu omu nkora kiija kukoonyera ‘kuterekereza omuhanda gwawe’ kandi “nubwo olibona omugisa.”