Okuhikiriza Kurungi Obuheereza Bwaitu—Okutendeka Abahyaka
Habwaki Kiri Kikuru: Abatebezi abahyaka basemeriire kuhondera “byona” Yesu ebiyaragiire otwaliremu okwegesa abantu amananu. (Mat. 28:19, 20) Abarukukira obwingi hali banu bakataha ira omu Isomero ly’Omulimo gwa Ruhanga kandi baina kuba babaire nibagambiraho ab’omu maka gaabu hamu n’abanywani baabu ebi begere kuruga omu Baibuli. Kyonka obu beyongera kusiima ebi barukwega kandi bakakyetegereza ngu Yahwe n’agonza abantu boona kumanya amananu, ekyo kisobora kubaletera ekihika ky’okugonza kutebeza amakuru amarungi. (Bar. 10:13, 14) Hanyuma y’okwikirizibwa kutandika kutebeza nk’abatebezi abatakabatiziibwe, okutendekebwa kurungi kwija kubakoonyera kuhikiriza kurungi obuheereza bwabu n’okukurakurana omu by’omwoyo.—Luka 6:40.
Lengaho Kinu Okwezi Kunu:
Tebeza n’omwegi waawe nju ha nju rundi genda nauwe obworaaba oine ow’okugarukira rundi ow’okwegesa. Obw’oraaba otaina omwegi, osobora kukora n’omutebezi atakakurakuraine omu buheereza.