Kwegera Hali Abatebezi Abakurakuraine omu by’Omwoyo

Abatebezi abakurakuraine omu eby’omwoyo bali b’omugaso omu kitebe. Abamu baikaire nibaheereza kumara emyaka nyingi. Abandi bakurakuraine omu buheereza obusumi obutali bwahara. Abatebezi banu baboine omulingo Yesu aikaire n’ayebemberamu ekitebe omu biro binu ebya ha mpero kandi n’omulingo ayongiize omulimo gw’okutebeza amakuru amarungi. (Mat. 28:19, 20) Habw’okwekambira obuheereza, batungire “amani agali amaingi muno” kubakoonyera kuraba omu bizibu ebi batunga. (2 Kol. 4:7) Twina bingi ebiturukusobora kwegera hali abatebezi banu abakurakuraine. Nikiija kubasemeza kakuba tubooleka ngu nitugonza kubeegeraho. (Zab. 71:18) Nahabwekyo, tusemeriire kukozesa omugisa gwona oguturatunga kubegeraho. Kinu nitusobora kukikora tuta?

Omu Buheereza. Kurora bayegesa kurungi omu buheereza bwabu, abatebezi abatakakurakuraine kurungi nibeetagisa kutendekebwa. Nibasobora kwega bingi kakuba barora omulingo abakurakuraine batebezaamu. (Rora ekicweka ekiri omu Watchtower ya Febwali 15, 2015, ekirukugamba, “Maintain Your Zeal for the Ministry,” akacweka k’akasatu hansi y’omutwe omuke ogurukugamba “Help Less Experienced Ones.”) Ogasiirwe ota habw’okukora n’abatezi nk’abo omu buheereza?

Nosobora kweta kusaba omutebezi akurakuraine omu buheereza nukwo kukora nauwe? Bwaraaba ali muceke omu mubiri, n’osobora kutungayo obwire obumu n’obumu nukwo otwale omwegi wawe omwegeseze omu eka ye. Hanyuma y’okwega, mukaguze eby’osemeriire kukoraho.

Babungire Rundi Baralize: Kurora twamanya kurungi abatebezi banu, tusemeriire kutunga akaire tube nabo. Baralize omu kuramya kwanyu kw’eka kandi obakaguze. Obwaraaba ali muceke omu mubiri, n’osobora kukora enteekaniza nukwo osobole kuba n’okuramya omu ka ye? Mukaguze omulingo yayegere amananu. Atungire migisa ki? Aboine nkurakurana ki omu kiikaro ekyarumu? Atungiremu okusemererwa kwona habw’okuheereza Yahwe?

Otamunihiriraamu bingi. Nk’oku tutarukwingainaingana, abatebezi abamazire akasumi kaingi nabo tibarukwingana. (Bar. 12:6-8) Abamu bakuzire omu myaka nahabwekyo nibasobora kutuheereza akaire kake muno ok’okuba nabo. Nobu kiraaba kiri kityo, haroho bingi ebiturukusobora kubeegeraho.