Okuhikiriza Kurungi Obuheereza Bwaitu—Okukozesa Esimu Eziba ha Byombeko Rundi ha Geeti

Habwaki Kiri Kikuru: Obwire obumu tusobora kutiina kutebeza nitukozesa esimu eziba ha byombeko rundi ha geeti z’abantu. Kiki ekiratukoonyera butatiina kukozesa esimu zinu? Twikale nitwijuka ngu gunu gusobora kuba nugwo mulingo gwonka oguratusobozesa kuhikya amakuru amarungi hali abantu abamu. (Bar. 10:14) Ebyokurorraho ebimu byolekere ngu nikisoboka kutebeza omu mulingo gunu. (Rora Yearbook eya 2011, rup. 65-66, na Yearbook eya 2000 rup. 54, kac. 3.) Mubaze ha magezi agahairwe hansi.

Omulingo ogw’Okukikoramu:

Tekanizaayo enyanjura engufu, ogihandiike ha kapapura. Obworahika ha mulyango rundi ha geeti y’omuntu, teera esimu omugambire ekikulesire, hanyuma osome enyanjura yawe. Kozesa ibara lye obu liraaba lyolekerwe. Maliira n’omugambira ngu wakugondeze kumulekera eky’okusoma ekiramukoonyera kumanya ebirukukiraho.
Baza nauwe nk’omuntu ow’orukurora.
Baza otekaine, kandi omw’iraka n’omulingo ogurukwetegerezebwa kurungi. Baza nk’oku obaza buli kiro otarukwanguhiriza.
Kozesa amagezi. Ebyombeko ebimu bibaho obude rundi amasimu maingi. Abantu basobora kukwekengera obu barakurora n’oteera amasimu maingi rundi n’orubatarubata omu kyombeko kyabu. Nahabwekyo tikirukukwetaagisa kugateera goona, baitu osobora kukomamu nk’asatu goonka. Otebwa kuhandiika amasimu agotiire nukwo osobole kumanya nambere oratandikira ogarukireyo.

Lengaho Kinu Okwezi Kunu:

Omu kuramya kwanyu okwʼeka, mwoleke omulingo murakozesa amagezi ganu omu buheereza. Omu kyokurorraho, buli omu ateere mugenzi we amabega.