Kozesa Buli Mugisa Okutebeza Amakuru g’Obukama!
1. Ekyokuroorraaho kya Daudi kitwegesa ki?
1 Omukama Daudi tiyaikirizaga kintu kyoona kumulemesa. Nk’ekyokuroorraaho, obwakaba nagonza kwombekera Yahwe yeekaru. Yahwe obu yamutangire, akahindura ebiteekerezo bye yatandiika kutekaniriza Sulemani ebintu eby’okukozesa kwombeka yeekaru. (1 Bakam. 8:17-19; 1 Byom. 29:3-9) Ebiteekerezo bye atabimarre ha bintu ebi yali atarukusobora kukora, baitu ha bintu ebi yali nasobora kukora. Ekyokuroorraaho kya Daudi kisobora kita kutukonyera kukozesa buli mugisa ogututunga kutebeza amakuru amarungi ag’Obukama?
2. Mpinduka ki ezitusemerire kukora nukwo tusobole kuheereza nka bapayoniya?
2 Kora eky’Orukusobora: Abarukukira obwingi bakozere empinduka omu bwomeezi bwabu basobole kukora nka bapayoniya abakonyezi rundi abakasumi koona. (Mat. 6:22) Osobora kubeteranizaho? Obw’orasaba Yahwe akusobozese kukora empinduka, noija kurora ngu “orwigi orukooto orw’emirimo rukukingulirweho” kandi okozese omugisa ogu!—1 Kol. 16:8, 9, NW.
3. Migisa ki endi eiturukusobora kukozesa obuturaaba tutarukusobora kukora nka bapayoniya?
3 Osobora kukora ki obworaaba otarukusobora kukora nka payoniya? Haroho emigisa endi ey’okuheereza. Nk’ekyokuroorraaho, obworaaba n’okora n’abantu abatali Bakaiso ba Yahwe, habwaki otakozesa omugisa ogu okubatebeza? Rundi obworaaba oli murwaire, habwaki otakozesa omugisa ogu kutebeza abarukukujanjaba? Osemerire kukiijuka ngu haroho enteekaniza ey’abo abacekere habw’obukuru rundi oburwaire, kuhayo edakiika 15 n’okweyongerayo. Obworaaba noijuzamu ripooti yaawe, oteebwa obwire obu wamazire omu kutebeza okwotetekaniriize, ebitabu na turakiti ebiwagabire na kaadi ezirukweta abantu ha kiijukyo na ha ruso’rokano orukooto orw’ebiro bisatu. Ebintu ebitaito nk’ebyo bikonyera kukanyisa esaha zaitu!
4. Kiki eky’omalirirre kukora?
4 Obu turakozesa buli mugisa kutebeza amakuru amarungi, nikiija kutuleetera okusemererwa okuruga omu kumanya ngu nitukora kyoona ekirukusoboka habw’Obukama.—Mar. 14:8; Luk. 21:2-4.