Ennyanjura

Okutandika Kwegesa Abantu Baibuli Kyamukaaga eky’Okubanza omu Sebutemba

“Abantu baingi baikiririza omu bamaraika. Kandi iwe? [Muleke agarukemu.] Bamaraika bantu ab’omwoyo ab’amaani muno, baitu n’oteekereza basobora kutukonyera? Baibuli eyoleka omulingo bakonyeramu abantu omu busumi bunu.” Mwoleke enyuma ya Watchtower eya Sebutemba 1, musome ebiri hansi y’ekikaguzo eky’okubanza n’ekyahandiikirwe hakiri kimu hali ebyo ebyolekerwe omu kacweka. Muheereze magaziini, kandi okole enteekaniza ey’okugarukayo musobole kugarukamu ekikaguzo ekyakabiri.

The Watchtower Sebutemba 1

“Noteekereza ngu abantu basobora kusisira kimu ensi kikaba ngu terukusobora kugarukamu kusemezebwa? [Muleke agarukemu.] Nobukiraaba ngu abantu tibarukusobora kuterekereza ebi basisire, Baibuli eyoleka ngu Ruhanga asobora. [Soma Zabuli 65:9.] Akatabu kanu nikaija kukwoleka omulingo Ruhanga arasemezamu ensi kandi n’ekitusemerire kukora nukwo tusobole kugyegondezaamu. Wakugondeze nkakulekere?”

Awake! Sebutemba

“Abantu abarukukira obwingi bakozesebwa batarukubalirwa. Abakugu bagamba ngu kukozesebwa muno kisobora kurugiramu omuntu kwehurra ajwahire obwire bwona, kwetuntura, n’okurwara. Noteekereza kiki ekirukusobora kukonyera abantu butatunga ebizibu nk’ebyo? [Muleke agarukemu.] Dora nkoku Ekyahandiikirwe kinu kirukugamba. [Soma Omugambizi 4:6.] Magaziini enu ija kusoborra ebintu bina ebiratukonyera kumanyamu ebintu ebirukukira obukuru nukwo tutatunga ebizibu ebiruga omu kukora muno.”