Baibuli Esobora Eta Kunkonyera?

WAKUKOZERE KI?

Teramu akasisani: David akuvuga emotoka n’araba omu kiikaro eky’atamanyiriire. Kusigikirra ha byapa, akirora ngu ahabire. Aine kuba akwasirege omuhanda ogutali nugwo.

Kakuba niiwe oli David, wakukozere ki?

TEKEREZA HALI KINU!

Osobora kukora kimu ha bintu binu ebisatu:

1. Kukaguza bakakuragirra.

2. Kukozesa Maapu.

3. Kugumizaamu n’ovuga okanihira ngu orahika nambere orukugenda.

Kukora ekiri omu C kisobora butakukonyera.

Kandi ekiri omu B kiija kukukonyera kukira ekiri omu A habwokuba maapu noija kugyetaaga omu rugendo rwawe rwona.

Baibuli n’ayo esobora kukonyera omu mulingo nugwo gumu.

Ekitabu kinu ekikyakizireyo kutundwa kisobora

• kukukonyera kugumira ebizibu

• kukonyera kumanya kyonyini ekyoli, n’omulingo osobora kufooka omuntu omurungi

• Kukukonyera kumanya omulingo osobora kutungamu obwomeezi obw’amakuru

KUGARUKAMU EBIKAGUZO EBIKYAKIZIRE KUKAGUZIBWA

Obutuba nitutandika kubaza tutandikiraho kukaguza ebikaguzo.

• Habwaki iguru riri ry’eraangi ya bulu?

• Enyunyuzi zikakorwa omu ki?

Obu turora ebintu ebirukukorwa omu nsi twekaguza.

• Habwaki habaho ebintu ebibi?

• Habwaki abantu bafa?

Obaire okimanyire ngu eby’okugaramukamu eby’ebikaguzo biri omu Baibuli?

Abantu abamu bagamba ngu Baibuli ijwire enganikyo zonka, ekahwa ha mulembe kandi ngu ngumu kugyetegereza. Baitu mali ekizibu kiri ha Baibuli rundi ebyo abantu bagibazaaho? Kisoboka kuba ngu abantu banu bakagambirwa ebisuba?

Nk’ekyokurorraho abantu batekereza ngu Baibuli egamba ngu Ruhanga nuwe arukulema ensi. Baitu eki kisoboka kita? Ensi eijwiremu ebizibu, obusaasi n’okubonabona, oburwaire n’okufa obunaku hamu n’ebigwererezi. Kisoboka kita Ruhanga ow’engozi kuba nuwe n’aletetaho ebizibu binu byona?

Wakugondeze kumanya eky’okugarukamu? Baibuli ekyegesa nikisobora kukuhuniriza!

Osobora kuba okirozere ngu amagezi agali omu burocuwa enu gaihirwe omu Baibuli. Abakaiso ba Yahwe nibakigumiza kimu ngu Baibuli erumu obuhabuzi oburukwesigwa. Ekyo kiri kiti habwokuba ‘ekaterekerezebwa omwoyo gwa Ruhanga nibigasa obwokwegesa, nobwokuhana, nobwokusobo’ra, n’obw’okugambi’ra okuli omu kuhiki’ra.’ (2 Timoseo 3:16, 17) Bujunanizibwa bwawe kumanya ebirukukwata ha kitabu kinu ekitahwa ha mulembe!