Kiki ekirabaho omu busumi obw’omu maiso?

BAIBULI EGAMBA

“Ruhanga . . . alisusura amaziga goona ha maiso gaabu, kandi tihalibaho okufa, n’obukwakuba okutera empamo n’obukwakuba oku’ra n’obukwakuba okusasa biriba bitakyaroho. Eby’okubanza biriba bihoireho.”​—Okusuku’rwa 21:​3, 4, New World Translation.

EBIGAMBO EBYO BIINA MAKURU KI?

Nibimanyisa ngu: tusobora kuba n’obwomezi oburungi kandi n’emirimo erukusemeza.​—Isaya 65:​21-23.

Hataroho burwaire rundi kubonabona kwoona.​—Isaya 25:8; 33:24.

Tuli n’abenganda zaitu hamu n’enganjani zaitu omu bwomezi obutahwaho.​—Zabuli 37:​11, 29.

TUSOBORA MALI KWIKIRIZA BAIBULI EKY’EGAMBA?

Tusobora, habw’ensonga ibiri:

• Ruhanga aine obusobozi kuhikiriza omurago gwe ogu. Omu Baibuli, Yahwe Ruhanga wenka nuwe abazibwaho ‘nk’Owobusobozi bwona,’ habwokuba amaani ge tigaina bugarukiro. (Okusuku’rwa 15:⁠3) Nahabwekyo, asobora kuhikiriza omurago gwe ogw’okuhindu’ra kimu ensi enu kugifoora ekiikaro ekirungi. Baibuli egamba, “Ruhanga nasobora byona.”​—Matayo 19:⁠26.

• Ruhanga n’agonza kuhikiriza omurago gwe ogu. Nk’ekyokurorraho, Ruhanga ‘agonza’ muno kuhumbura abafu.​—Yobu 14:​14, 15.

  Baibuli eyoleka ngu Yesu Omwana wa Ruhanga, akakiza abarwaire. Habwaki y’akikozire? Akakikora habwokuba akaba n’agonza. (Marako 1:​40, 41) Ekyo kikoleka ngu na Ise agonza muno kukonyera abantu.​—Yohana 14:⁠9.

  Eki nikitugumya ngu Yahwe na Yesu bagonza muno kutukonyera kutunga obwomezi oburungi omu busumi obwo’mu maiso.​—⁠Zabuli 72:​12-14; 145:16; 2 Petero 3:⁠9.