Tusobora Tuta Kukonyera omu Kurolerra Ebyombeko Byaitu eby’Obukama?

Buli Kyombeko ky’Obukama eky’Abakaiso ba Yahwe kyetwa ibara lya Ruhanga erirukwera. Nahabwekyo tukitwara ngu kukisemeza, n’okukiikaza omu mulingo ogurukuhaisa Ruhanga ekitiinisa, kiba kicweka ky’okuramya kwaitu okurukwera. Itwena nitusobora kukwataniriza hamu.

Tukonyera okusemeza ekiikaro hanyuma y’enso’rokano. Buli hanyuma y’enso’rokano, ab’oruganda basingorra Ebyombeko by’Obukama. Kyonka tutunga ekiro kimu omu wiiki, nitubisemereza kimu. Habaho omugurusi rundi omuhereza arolerra omulimu gw’okusemeza, tusingorra, tusimura, tutera ecucu ha bintu, tusimura entebe n’amadirisa, twogya ebyolooni, tusemeza irembo n’okwokya ebisasiro. Buli mwaka habaho ekiro eky’okusemeza okw’embaganiza. Abaana baitu obu tubaleta bakakorra hamu naitwe nitusemeza, tuba nitubegesa kuhereza ekiikaro kyaitu eky’okuramizaamu ekitiniisa.​—Omugambizi 5:1.

Tukonyera okudabiriza obukiba kyetaagisiize. Buli mwaka, Ebyombeko by’Obukama biramburwa omunda n’aheru kusobora kurora ebirukwetaaga kudabirizibwa. Kusigikira ha kizoirwe, abagurisi bakora entekaniza z’okudabiriza, ekiretera ebyombeko byaitu kwikara nibizooka kurungi kandi ekikehya ha sente ezakukozesiibwe. (2 Ebyomubusinge 24:13; 34:10) Omu Byombeko by’Obukama nuho turamiza Ruhanga nahabwekyo bisemerire kurolerwa n’okulindwa nibyera kurungi. Obutukora ebintu ebyo twoleka ngu nitugonza Yahwe n’ebiikaro byaitu eby’okumuramizaamu. (Zabuli 122:1) Kandi kinu kiretera abantu omu kicweka kyaitu kututekerezaho n’okutubazaho kurungi.​—2 Abakolinso 6:3.

• Habwaki twakufiireyo muno ha biikaro byaitu nambere turamiza Ruhanga?

• Ntekaniza ki ezikorwa kusobora kulinda Ebyombeko byaitu eby’Obukama nibizooka kurungi?