Banywani Ba Ruhanga Bakora Ebirungi

Obwoba oine munywani wawe ow’okuhaisaniza kandi ow’okutamu ekitinisa olengaho kumwesisaniza. “Mukama murungi, kandi w’amananu.” (Zabuli 25:8) Okuba banywani ba Ruhanga twine kuba barungi kandi bamananu. Baibuli egamba: “Musubirizege Ruhanga nk’abaana abagonzebwa, kandi mugendere mu kugonza.” (Abefeso 5:1, 2, NW) Enu niyo miringo tusobora kukikoramu:

Ba mukonyezi hali abandi. “Tukolege kurungi abantu bona.”​—Abagaratiya 6:10.

Kukora n’amani. “Omusuma aleke kwiba baitu hakire atalibane n’emikono ye nakora ebirungi.”​—Abefeso 4:28.

Kulinda emibiri n’ebitekerezo byaitu biyonjo. “Tweyogyeho okusisikara kwona okw’omubiri n’okw’omwoyo nituhikiriza okwera omukutina Ruhanga.”​—2 Abakolinso 7:1.

Twaza ob’omu maka gawe n’okugonza hamu n’ekitinisa. “Baitu n’omulinywe buli muntu agonzege mukazi we, nka uwe wenka. Kandi n’omukazi atinege iba. Abana abato muhu’rege ababazaire.”​—Abefeso 5:33–6:1.

Yoleka okugonza ha bandi. “Abarukugonzebwa, tugonzangane: baitu okugonza kuruga hali Ruhanga.”​—1 Yohana 4:7.

Yorobera ebiragiro by’ensi. “Omuntu wena ahurrege abalemi . . . Muheyoga hali bona ebibatonga: hali ab’omusoro, omusoro.”​—Abarumi 13:1, 7.