Banywani Ba Ruhanga Nibo Baha?

Yesu Kristo nuwe Mwana wa Yahwe kandi munywani we nfa na nfe. Atakaizire kuba omuntu mu nsi, Yesu akaba ali omw’iguru nk’ekihangirwe eky’omwoyo eky’amani. (Yohana 17:5) Obu yaizire omu nsi akagesa abantu amazima agarukukwata hali Ruhanga. (Yohana 18:37) Kandi akahayo obwomezi bwe okucungura abantu abahulizi kuruga mu kibi n’okufa. (Abarumi 6:23) Yesu hati nuwe, Mukama w’Obukama bwa Ruhanga, obulemi obwomw’iguru oburaleta Orugonjo rwa Ruhanga hansi enu.​—Okusuku’rwa 19:16.

Abamalaika nabo banywani ba Ruhanga. Abamalaika batatandikire obwomezi bwabo omu nsi nk’abantu. Ruhanga akabahangira mw’iguru atakakozere ensi. (Yobu 38:4-7) Haliyo obukaikuru n’obukaikuru bw’abamalaika. (Danieri 7:10) Abanywani ba Ruhanga banu abo mw’iguru nibagonza abantu okumanya amazima agarukukwata hali Yahwe.​—Okusuku’rwa 14:6, 7.

Ruhanga kandi aine abanywani ab’omu nsi; abeeta bakaiso be. Kaiso nuwe aha obujulizi mukoti ngu namanya omuntu rundi ekintu. Abakaiso ba Yahwe bagambira abantu ebi barukumanya hali Yahwe n’ebigendererwa bye. (Isaya 43:10) Okusisana bamalaika, n’Abakaiso nabo nibagonza kukuyamba oyege amazima agarukukwata hali Yahwe. Nibagonza naiwe obe munywani wa Ruhanga.