EKICWEKA 7
Okuhumbuuka kwa Yesu Kuhika ha Kutekebwa mu Nkomo kwa Paulo
Ebiro bisatu hanyuma y’okufa kwe, Yesu akahumbuurwa. Hakiro ekyo kyonyini, akeyoleka abakurasi be emirundi etaano ey’embaganiza. Yesu akeyongera kubeyoleka okumara ebiro 40. Hanyuma, obu abakwenda be bakaba nibarora, Yesu akatemba omu iguru. Hunyuma y’ebiro ikumi, Ruhanga akaha omwoyo ogurukwera abakurasi ba Yesu abakaba balindiriire omu Yerusalemu.
Hanyuma, abanyanzigwa ba Ruhanga bakakwata abakwenda babateeka mu nkomo, baitu maraika yaija yabasumurra. Omukwenda Sutefano akateerwa amabaale, yaitwa abo abakaba nibahakaniza. Baitu nitwegaho nkoku Yesu yakomere omu hali abo abamuhakanizaga okuba omuhereza we ow’embaganiza, kandi onu niwe yafookere omukwenda Paulo. Hanyuma y’okurabaho emyaka esatu n’ekicweka Yesu amazire kufa, Ruhanga akatuma Petero kutebeza hali ogu owakaba atali Muyudaya, Koruneryo n’amaka ge.
Hanyuma y’okuhinguraho emyaka 13, Paulo akatandika orugendo rwe rw’okubanza orw’okutebeza. Ha rugendo rwe orwa kabiri, Timoseo nawe akamweteranizaho. Nitwega bingi nkoku Paulo n’abataahi be batungire emigisa nyingi kuruga mukuhereza Ruhanga. Hamperu, Paulo akakwatwa yateekwa mu nkomo mu Rumi. Hanyuma y’emyaka ebiri akataisurwa, baitu bakagaruka bamuteeka mu nkomo n’okumwita. Ebyabaireho MUKICWEKA 7 bikabaho mu myaka 32.