‘I Lainim Yu Long Pasin i Stret’

Wanpela yangpela meri bilong Naijiria, long Wes Afrika, em i gat 14 krismas, em i amamas long wanpela buk i lainim em long ol pasin i stret. Nem bilong dispela buk em Rot Bilong i Stap Amamas Taim Yu Yangpela Yet. Dispela yangpela meri i tok:

‘Dispela buk inap helpim gut yu, na ol tok bilong en i stret na i tru, na em i gutpela buk moa yet. Em inap helpim tru man i laik bai i gat gutpela samting bilong soim rot long em bambai em inap abrusim olgeta narapela kain pasin nogut i stap long nau.

‘Mi bin soim dispela buk long ol wanskul bilong mi na long ol manmeri i stap long ol haus klostu long haus bilong mi. Olgeta manmeri i kaunim dispela buk ol i save tok, yupela i bin raitim ol gutpela tok piksa samting inap givim gutpela save long man. Mipela i ting ol stretpela tok bilong dispela buk inap givim gutpela tingting long ol yangpela wantaim ol manmeri i bikpela pinis, na lainim ol long lo i makim stretpela pasin ol i mas bihainim, na bai tingting na bel bilong ol inap i stap isi na skin bilong ol inap i stap gutpela, sapos ol i redi long bosim gut skin na ol i strong long bihainim pasin i stret. . . .

‘Na gutpela samting tru bilong dispela buk, em olsem: Ol gutpela tok bilong

lainim yumi long ol lo i tambuim pasin pamuk samting i pulap tru long dispela buk, em ol lo planti papamama na ol tisa i no save lainim ol yangpela long en . . . Mi laik bai ol i mekim wok long dispela buk long skul bilong lainim ol skulmanki long olgeta de, bambai ol i ken save long gutpela rot ol i mas bihainim bilong i stap bel isi na kamapim ol gutpela wok, na bai ol i no i stap bilong mekim nating tasol.’

Dispela buk Rot Bilong i Stap Amamas Taim Yu Yangpela Yet i bekim ol kain askim olsem: Bilong wanem i gutpela sapos ol yangpela i kisim save long skul? Ol i mas ting olsem wanem long papamama? I gutpela sapos ol i mekim maritpasin taim ol i no marit yet? I gutpela sapos ol i dring bia o wain samting? Bilong kisim dispela buk, yu ken raitim nem na atres bilong yu daunbilo na salim dispela hap pepa wantaim 80 toea.

Plis salim dispela buk long mi i gat strongpela skin na 192 pes, nem bilong en: Rot Bilong i Stap Amamas Taim Yu Yangpela Yet. Mi putim ol stem samting inap olsem 80 toea insait long dispela pas.