Baibel i Mekim Dispela Tok Pastaim
● ‘Ol i no bin kirap wantu tasol na toktok, na ol i no bin mekim long pasin bilong hariap. I no gat wanpela i kamapim kwik askim maski em i bikpela askim, na ol i no bin subim man long bekim askim. Gutpela pasin bilong ol long kirapim na mekim toktok em pasin bilong ol long malolo liklik bilong ol narapela i ken tingim gut tok. Pasim maus na i no toktok, em i bikpela samting long ol Lakota. Ol i bin mekim olsem bilong kamapim gutpela pasin bilong ol na bilong bihainim lo i tok, “tingting pastaim na bihain mekim toktok.” ’—Luther Standing Bear, bikman bilong lain Oglala Su (yia 1868 samting i go inap 1939).
“Ol brata tru bilong mi, yupela i mas save gut long dispela samting. Yupela olgeta i mas putim yau kwik long harim tok, tasol yupela i no ken hariap long mekim toktok, na yupela i no ken kros kwik.”—Jems 1:19, Baibel i kamapim dispela tok long taim bilong ol aposel.
“Stretpela man i save tingting gut pastaim, na bihain em i bekim tok long arapela man. Tasol taim man nogut i toktok, em i save mekim tok nogut tasol.”—Sindaun 15:28, Baibel i kamapim dispela tok long yia 700 B.C.E. samting.
“Man i no gat gutpela tingting i save larim belhat bilong en i kamap ples klia. Tasol man i gat gutpela tingting i save pasim belhat bilong em yet.”—Sindaun 29:11, Baibel i kamapim dispela tok long yia 700 B.C.E. samting.
[Piksa Kredit Lain long pes 25]
Poto David Barry i kisim, Denver Public Library, Western History Collection