Em i Kirapim Gen Bilip

Em tok bilong wanpela man i kisim wanpela liklik nius i gat 4-pela pes long en ol i kolim Kingdom Nius. Nem bilong en “Bilong Wanem Yumi Gat Planti Hevi?” Pas bilong man i stori long liklik nius em i kamap long wanpela nius (El Tiempo) bilong Bogota, long Kalombia. Em i tok:

“Long dispela taim olgeta samting i kamap wantaim pasin bilong pait na giaman, taim yumi pilim olsem bilip bilong yumi i laik lus, em i kirapim yumi long pulim win bilong spirit bilong kirapim gen bilip bilong yumi. Em hia ol bikpela tok bilong liklik nius ol i givim long mi:

“ ‘Baibel i tok, long rot bilong gavman bilong em long heven long han bilong Krais Jisas, God bai mekim sampela samting bilong helpim ol man. Dispela Kingdom bai bagarapim ol gavman nogut bilong dispela graun. Olsem wanem? Taim dispela pasin nogut bilong nau i pinis, sampela man bai abrusim bagarap? Ol dispela man i abrusim bagarap bai stap we inap oltaim? Ol stretpela man bai kisim graun. Long dispela nupela taim God bai kamapim, ol manmeri bai i no i dai moa. Pasin raskol bai pinis na ol man i no i stap rabis moa, na hangre, sik, krai, dai​—⁠olgeta bai pinis. Ol man i dai pinis bai kirap bek, na graun bai senis na kamap paradais.’ ”

Ol Witnes Bilong Jehova i amamas long helpim ol man i laik kisim save long Baibel. Sapos yu laik kisim sampela save moa, orait raitim pas long IBSA, Box 636, Boroko, NCD 111, Papua New Guinea, o lukim atres i stap long pes 5 em i stret long yu.