Em i Kisim Bekim Bilong Olgeta Askim Bilong Em

Ol Witnes Bilong Jehova i autim tok long wanpela man long India na em i kisim save olsem, ol samting ol Witnes i skulim ol man long en em i narakain long ol samting lotu bilong em i bin skulim em long en. Em i toktok wantaim ol Witnes Bilong Jehova long dispela samting, na tu, em i raitim pas long brens-ofis bilong ol long India bilong mekim sampela askim.

Wanpela taim em i raitim wanpela pas, na kirap bilong pas i tok: “Yes ol gutpela brata bilong mi long Lonavla”​—⁠em ples brens-ofis bilong ol Witnes i stap long en. Na em i tok: “Mi kisim bekim bilong olgeta askim na ol samting mi tingting planti long en long Kirap! bilong Novemba 8, 1995, aninit long het-tok ‘Yu Save Tingim?’ Mi save tru olsem ol Witnes Bilong Jehova i holim tok i tru.”

Dispela stori long Kirap! i bin bekim ol kain askim olsem: “Yu ting lotu i tru bai haitim nem bilong God o givim narapela nem long em, tasol Baibel yet i tokaut long dispela nem?” “Ol bilip bilong lotu i tru i mas kamapim wanem ol kain pasin long lain bilong en?” “Yu ting lotu God i orait long en bai larim ol wanbilip i insait long ol bikpela pait na pait bilong kilim i dai ol man bilong narapela skin o lain?”

Mipela i bilip olsem nius Kirap! inap helpim yu tu taim yu wok long painim tok i tru bilong Baibel. Sapos yu laik kisim wanpela nius Kirap! o yu laik bai wanpela i kam long haus bilong yu na stori wantaim yu long ol tok bilong Baibel, plis salim pas long IBSA, Box 636, Boroko, NCD 111, Papua New Guinea, o lukim atres long pes 5 i stret long yu.