Wanem Tok Ples i Bikpela Tru?

Sapos yu laik save, wanem tok ples em planti man i save laikim, na em i wanpela tok ples i stap long olgeta hap, orait yumi ken tok, em tok Inglis. Tasol wanem tok ples i bikpela tru, olsem i gat planti man moa i save mekim? Wanpela buk (World Almanac and Book of Facts, bilong 1990) i skelim dispela samting na i tok, wanpela tok ples bilong Saina ol i kolim Mandarin, em bikpela tru, winim olgeta narapela tok ples; i gat 844 milion manmeri ol i save mekim dispela tok ples. Long olgeta hap bilong graun i gat 437 milion manmeri ol i save mekim tok Inglis, olsem na em i namba tu bikpela tok ples. Orait yu ting wanem tok ples i namba 3​—tok ples Frans, o tok ples Spen? Nogat. Em tok ples Hindi. I gat 338 milion ol i save mekim dispela tok ples, na klostu olgeta ol i stap long India. I gat 90 milion long Pakistan ol i save mekim tok ples Urdu, tasol dispela buk i tok, tok Urdu na tok Hindi em wanpela tok ples tasol, olsem tok ples Hindustani.