ኣቱም መንእሰያት፡ የሆዋ ናይ ቀረባ ዓርክኹም ድዩ፧

ዓርክኻ እንታይ ባህርያት ኪህልዎ ኢኻ እትደሊ፧ ተኣማንነትን ለውሃትን ልግስን ኣኽቢርካ እትርእዮ ባህርያት ኪኸውን ይኽእል እዩ። የሆዋ ዅለን እዘን ባህርያት ኣለዋኦ። (ዘጸ 34:6፣ ግብ 14:17) ናብኡ ኽትጽሊ ኸለኻ ይሰምዓካ እዩ። ሓገዝ ኣብ ዜድልየካ ዘበለ ዅሉ ኸኣ ይሕግዘካ እዩ። (መዝ 18:19, 35) ንጌጋኻ ይሓድገልካ እዩ። (1ዮሃ 1:9) የሆዋ ኸመይ ዝበለ ተፈታዊ ዓርኪ ዀን እዩ!

ዓርኪ የሆዋ ኽትከውን እትኽእል ብኸመይ ኢኻ፧ ቃሉ ብምንባብ ብዛዕባኡ ተምሃር። ብእኡ ተኣመን። (መዝ 62:8፣ 142:2) ነቲ ኸም ወዱ፡ መንግስቱ፡ ኣብ መጻኢ ዚፍጸም ተስፋታቱ ዝኣመሰለ ንየሆዋ ዜገድሶ ነገራት ኣኽቢርካ ርኣዮ። ብዛዕባኡ ንኻልኦት ንገር። (ዘዳ 32:3) ምስ የሆዋ ናይ ቀረባ ዕርክነት እንተ ኣማዕቢልካ፡ ንሱ እውን ንዘለኣለም ዓርክኻ ኪኸውን እዩ።—መዝ 73:25, 26, 28።

ነታ ኣቱም መንእሰያት—“የሆዋ ሕያዋይ ምዃኑ ጥዓሙን ርኣዩን” ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  ንወፈያን ንጥምቀትን ክትዳሎ እትኽእል ብኸመይ ኢኻ፧

• 

  ኣብ ጉባኤ ዘለዉ ኣሕዋት፡ ንየሆዋ ኸተገልግሎ ኺሕግዙኻ ዚኽእሉ ብኸመይ እዮም፧

• 

  ኣገልግሎት ነቲ ምስ የሆዋ ዘሎካ ርክብ ዜደልድሎ ብኸመይ እዩ፧

• 

  ኣብ ምንታይ መዳያት ኣገልግሎት ክትካፋል ትኽእል፧

• ብዛዕባ የሆዋ እትፈትዎ እንታይ እዩ፧