ክርስትያናዊ ህይወት
ብዛዕባ እምነትካ ኽትገልጽ ትኽእልዶ፧
ሓደ ሰብ፡ ‘ስለምንታይ ኢኻ ኣብ ፍጥረት እትኣምን፧’ ኢሉ እንተ ዚሓትተካ፡ እንታይ ኢልካ ምመለስካ፧ ብምትእምማን ምእንቲ ኽትምልስ ክልተ ነገር ክትገብር ኣሎካ፦ ፈለማ፡ ፍጥረት ሓቂ ኸም ዝዀነ መርሚርካ ኽትፈልጥ የድልየካ። (ሮሜ 12:1, 2) ድሕሪኡ፡ ብዛዕባ እምነትካ ንኻልእ ብኸመይ ከም እትገልጽ ክትሓስብ ኣሎካ።—ምሳ 15:28።
ገሊኦም ስለምንታይ ኣብ ፍጥረት ከም ዚኣምኑ ንምፍላጥ ነተን ሓንቲ ኽኢላ መጥባሕቲ ዓጽሚ ብዛዕባ እምነታ ዝገለጸቶ ኸምኡ እውን ሓደ ኽኢላ ስነ እንስሳ ብዛዕባ እምነቱ ዝገለጾ ዘርእስተን ቪድዮታት ርኣየን እሞ፡ ድሕሪኡ ነዚ ዚስዕብ ሕቶታት መልሶ፦
ኢሪን ሆፍ ሎራንሶ ኣብ ክንዲ ብፍልቀት፡ ብፍጥረት ክትኣምን ዝኸኣለት ስለምንታይ እያ፧
ያሮስላቭ ዶቫኒች ኣብ ክንዲ ብፍልቀት፡ ብፍጥረት ኪኣምን ዝኸኣለ ስለምንታይ እዩ፧
ስለምንታይ ኣብ ፍጥረት ከም እትኣምን ንሓደ ሰብ ብኸመይ ምገለጽካሉ፧
ኣምላኽ ንዅሉ ነገራት ከም ዝፈጠሮ መርሚርካ ኽትፈልጥን ንኻልኦት ክትሕግዝን፡ ውድብ የሆዋ ዘዳለወቶ እንታይ ብቛንቋኻ ዚርከብ ናውቲ ሓጊዙካ፧