የሆዋ ኼድሕነካ ኸም ዚኽእል እምንቶኻ ኣደልድል

ዘሁልቍ 13:25–14:4 ኣንብብ እሞ፡ እስራኤላውያን ብየሆዋ ኸም ዘይተኣመኑ ርአ።

ነቲ ኣብ ከባቢኡ ዘሎ ሓሳብ መርምሮ። እስራኤላውያን ካብ ግብጺ ኣብ ዝወጹሉ እዋን፡ የሆዋ ኼድሕኖም ከም ዚኽእል ኪኣምኑ ዝነበሮም ስለምንታይ እዮም፧ (መዝ. 78:12-16, 43-53) ኣብ የሆዋ ዝነበሮም እምንቶ ዘጥፍኡ ስለምንታይ እዮም፧ (ዘዳ. 1:26-28) እያሱን ካሌብን ግና ኣብ የሆዋ እንታይ ዓይነት እምንቶ እዩ ነይርዎም፧—ዘሁ. 14:6-9።

ኣዕሚቝካ ዅዓት። እስራኤላውያን ኣብ የሆዋ ዘለዎም እምንቶ ንምድልዳል እንታይ ኪገብሩ ይኽእሉ ነይሮም፧ (መዝ. 9:10፣ 22:4፣ 78:11) ኣብ መንጎ እቲ ኣብ የሆዋ ዘሎና እምንቶን ንዕኡ ዘሎና ኣኽብሮትን እንታይ ምትእስሳር ኣሎ፧—ዘሁ. 14:11።

ትምህርቲ ርኸብ። ንርእስኻ ኸምዚ ኢልካ ሕተት፦

• ‘እንታይ ኵነታት እዩ ኣብ የሆዋ ምሉእ ትውክልቲ ኸም ዘየሕድር ኪገብረኒ ዚኽእል፧’

• ‘ሕጅን ኣብ መጻእን ነቲ ኣብ የሆዋ ዘሎኒ ትውክልቲ ብኸመይ ከደልድሎ እኽእል፧’

• ‘ኣብቲ ብርቱዕ ጸበባ ብዛዕባ እንታይ እየ ምሉእ እምንቶ ዘሎኒ፧’—ሉቃ. 21:25-28።