ኣሓት ኪመጣጠራ ዚኽእላ ብኸመይ እየን፧

ኣሓት ኣብ ዕዮ መንግስቲ ኣምላኽ ክቡር እጃም ኣለዋን። (መዝ 68:11) ሓያሎ መጽናዕቲ መጽሓፍ ቅዱስ ይመርሓ፣ ካብ ስሩዓት ፈለምቲ ዚበዝሓ ድማ ንሳተን እየን። ኣሽሓት ትጉሃት ኣሓት ቤት-ኤላውያን፡ ሚስዮናውያን፡ ወለንተኛታት ዕዮ ህንጸት ወይ ኣገልግልቲ ዕዮ ህንጸት ከምኡ እውን ተርጐምቲ ዀይነን ይዓይያ እየን። ብሱላት ኣሓት ንስድራ ቤተንን ንጉባኤታትን የተባብዓ እየን። (ምሳ 14:1) ኣሓት፡ ሽማግለ ጉባኤ ወይ ኣገልገልቲ ጉባኤ ኪዀና ዘይክእላ እኳ እንተ ዀና፡ ኣብ ጉባኤ ኻልእ ሸቶታት ኬውጽኣ ግና ይኽእላ እየን። ሓብቲ እንተ ዄንኪ፡ ኣብ ምንታይ መዳያት ክትመጣጠሪ ትኽእሊ፧

• መንፈሳዊ ባህርይ ምምዕባል።—1ጢሞ 3:11፣ 1ጴጥ 3:3-6

• ብዙሕ ተመክሮ ንዘይብለን ኣሓት ምሕጋዝ።—ቲቶ 2:3-5

• ኣብ ኣገልግሎት ውጽኢታዊ ምዃንን ኣብኡ ዝያዳ ግዜ ምሕላፍን

• ካልእ ቋንቋ ምምሃር

• ዝያዳ ዓየይቲ ናብ ዜድልዩሉ ቦታ ምግዓዝ

• ኣብ ቤት-ኤል ንምግልጋል ወይ ኣብ ቲኦክራስያዊ ህንጸት ንምሕጋዝ ምምልካት

• ኣብ ቤት ትምህርቲ ወንጌላውያን መንግስቲ ኣምላኽ ንምምሃር ምምልካት

ነታ “ብጐይታ ዚጽዕራ ዘለዋ ኣንስቲ” ዘርእስታ ቪድዮ ርኣያ እሞ፡ ድሕሪኡ፡ ነዛ እትስዕብ ሕቶ መልሳ፦

• እዘን ኣሓት እተዛረባኦ ሓሳብ ብኸመይ ኣተባቢዑካ፧