ንሓደ ዓመት ክትፍትኖ ትኽእልዶ፧

እንታይ ኢኻ ኽትፍትን፧ ስሩዕ ፈላሚ ምዃን። ከምኡ ምስ እትገብር፡ ኣየ ኸመይ ዝበለ በረኸት ኰን ኢኻ ኽትረክብ!—ምሳ 10:22።

ፈላሚ ምስ እትኸውን፡ ነዚ ዚስዕብ ክትረክብ ትኽእል ኢኻ፦

• ክኢላ ወንጌላዊ ትኸውን፡ ኣብ ኣገልግሎትካ ድማ ዝያዳ ሓጐስ ትረክብ

• ምስ የሆዋ ዘሎካ ርክብ ይድልድል። ብዛዕባኡ ንኻልኦት ዝያዳ ብእተዛረብካ መጠን፡ ብዛዕባ እቲ ዜደንቕ ባህርያቱ ዝያዳ ትዘኻኸር

• ንረብሓታት መንግስቲ ኣምላኽ ቀዳምነት ብምሃብካን ጥቕሚ ርእስኻ ሰዊእካ ንኻልኦት ብምግልጋልካን፡ ሓጐስን ዕግበትን ትረክብ።—ማቴ 6:33፣ ግብ 20:35

• ኣብ እዋን ምብጻሕ ሓላው ወረዳ ምስ ፈለምቲ ኣብ ዚግበር ኣኼባን ምስ ኣኼባ ወረዳ ተተሓሒዙ ኣብ ዚግበር ፍሉይ ኣኼባን ኣብ ቤት ትምህርቲ ኣገልግሎት ፈለምትን ንምክፋል ኣጋጣሚ ትረክብ

• መጽናዕትታት መጽሓፍ ቅዱስ ከተጀምርን ክትመርሕን ዝያዳ ኣጋጣሚ ትረክብ

• ከማኻ ምስ ዝኣመሰሉ ሰበኽቲ ግዜ ተሕልፍ፡ ንሓድሕድኩም ከኣ ትተባብዑ።—ሮሜ 1:11, 12