ምልክታታት

◼ ዝዕደል ጽሑፋት ኣብ ሚያዝያ:- ንጽል ቅድሓት ናይ ግምቢ ዘብዐኛ ከምኡውን ንቕሑ! ብተወሳኺ ኸኣ እታ ኣምላኽ ካባና ዝደልዮ ብቕዓት እንታይ ኢዩ፧ (እንግሊዝኛ) እትብሃል ብሮሹር። ግንቦትን ሰነን ሓምለን:⁠- ኣብ ገነት ኣብ ምድሪ ንዘለኣለም ምንባር ትኽእል ኢኻ። ናይ ቤት ጽንዓት መጽሓፍ ቅዱስ ኣብ ምጅማር ኣተኵር። ነሓሰን መስከረምን:⁠- ኣብ ኢድ ክርከብ እተኻእለ ዝዀነ ይኹን 32 ገጽ ዘለዎ ብሮሹር ክዕደል ይከኣል ኢዩ።

◼ እቶም ኣብ ጉባኤ ዘለዉ ንዅሉ እቲ ሓድሽ ይኹን ዝሕደስ ኩንትራት ናይ ግምቢ ዘብዐኛ ከምኡውን ንቕሑ! ናይ ብሕቶም ኩንትራት እውን ከይተረፈ በታ ጉባኤ ኣቢሎም ክሰድዎ ኣለዎም።

◼ ተገዳስነት ዘርእዩ ሰባት ክትረክብ ከለኻ: በጃኻ ተወሳኺ ሓበሬታ ንኽረኽቡ ናብ ጨንፈር ቤት ጽሕፈት ከም ዝድውሉ ወይ ከም ዝጽሕፉ ኣይትግበሮም። ኣብቲ ከባቢኻ ተወሳኺ ናይ ብሕቲ ሓገዝ ሃቦም ወይ ከኣ ከምኡ ዝበለ ተመላሊስካ ምብጻሕ ክግበረሎም ኣተዓራሪ: እዚ ክፍሊ ናይ ስብከት መዝነትና ኢዩ። እንተዀነ ግን: እዞም ከምዚኦም ዝበሉ ግዱሳት ሰባት ካብ ካልእ ጉባኤ ክኽየዶም ዘድሊ እንተድኣ ኰይኑ: በጃኻ ምክትታል ንኽግበረሎም ምእንቲ ክንምድብ ነቲ ናይ ጉባኤኻ ጸሓፊ ክሕብረና ሕተቶ።