ትሕዝቶ

ሎሚ ዘለዉ ብዙሓት ሰባት ካብዛ እክይቲ ዓለም ተፈላጥነት ምርካብ የገድሶም እዩ። እዛ ዓንቀጽ እዚኣ፡ ስለምንታይ ነቲ ዝበለጸ ዓይነት ተፈላጥነት፡ ማለት ነቲ የሆዋ ንእሙናት ኣገልገልቱ ዚህቦም ዓይነት ተፈላጥነት ንምርካብ ክንተግህ ከም ዘሎና ኽትገልጽ እያ። ሓድሓደ እዋን፡ የሆዋ ትጽቢት ብዘይተገብረሉ መገዲ ኣፍልጦ ዚህበሉ መገዲ እውን ክንርኢ ኢና።

ኣብዛ ዓንቀጽ እዚኣ፡ እቲ እሙን ዝነበረ ሙሴ ስለምንታይ ናብ ምድሪ ተስፋ ናይ ምእታው ፍሉይ መሰል ከም ዝሰኣነ ኽንምርምር ኢና። ብዘይካዚ፡ ከምቲ ሙሴ ዘጋጠሞ ሓደጋ ምእንቲ ኸየጋጥመና እንታይ ክንገብር ከም ዘሎና ኽንርኢ ኢና።

ሰባት ዘበልና ዅላትና ናይ የሆዋ ኢና። ስለዚ፡ የሆዋ ንዕኡ ንበይኑ ጥራይ ክንውፈ እዩ ዚደልየና። ይኹን እምበር፡ ገሊኦም ሰባት ንኣምላኽ እሙናት ከም ዚዀኑ እኳ እንተ ተዛረቡ፡ ብኣካይዳኦም ንዕኡ ኸም ዘይእዘዙ እዮም ዜርእዩ። ኣብታ ቐዳመይቲ ዓንቀጽ፡ ካብቲ ብዛዕባ ቃየልን ሰሎሞንን ሙሴን ኣሮንን ዚገልጽ ጸብጻባት መጽሓፍ ቅዱስ ኣገዳሲ ትምህርቲ ኽንወስድ ኢና። ኣብታ ኻልአይቲ ዓንቀጽ ድማ፡ ነቲ ህዝቢ የሆዋ ኽንከውን ዝረኸብናዮ ፍሉይ መሰል፡ መማሰውቲ ምዃንና ኸነርእየሉ እንኽእል እተፈላለየ መገድታት ክንርኢ ኢና።