ትሕዝቶ

መዝሙር ምዝማር፡ ኵሉ ሳዕ ኣገዳሲ ኽፋል እቲ ህዝቢ የሆዋ ዜቕርብዎ ኣምልኾ እዩ። ይኹን እምበር፡ ገሊኦም ኣብ ቅድሚ ኻልኦት ዓው ኢሎም ኪዝምሩ የሰክፎም እዩ። ድምጽና ዓው ኣቢልና ብመዝሙር ንየሆዋ ኸይንውድሶ ዕንቅፋት ንዚዀነና ስክፍታ ብኸመይ ከነወግዶ ንኽእል፧ እዛ ዓንቀጽ እዚኣ፡ ብታሕጓስ ክንዝምር ዚድርኸና ጽቡቕ ምኽንያታት ትገልጽ፡ ናይ ምዝማር ክእለትና ኸነመሓይሽ ዚሕግዘና ሓሳባት እውን ትህብ።

ካብተን ኣብ ጥንታዊት እስራኤል ዝነበራ ኸተማታት ዕቝባ ጠቓሚ ትምህርቲ ኽንምሃር ንኽእል ኢና። ኣብታ ቐዳመይቲ ዓንቀጽ፡ ኣብዚ ግዜ እዚ ሓጥኣን ኣብ የሆዋ ኺምዕቈቡ ዚኽእሉሉ መገድታት ርአ። ኣብታ ኻልአይቲ ዓንቀጽ ከኣ፡ ኣብነት የሆዋ ንኻልኦት ይቕረ ኽንብል፡ ህይወት ከነኽብር፡ ፍትሓዊ ተግባራት ክንገብር ብኸመይ ከም ዚሕግዘና ርአ።

እዘን ክልተ ዓንቀጻት እዚአን፡ ጳውሎስ ብመንፈስ ቅዱስ ተደሪኹ ኣብ ቈሎሴ ንዝነበሩ ክርስትያናት ኣብ ዝሃቦም ምኽሪ እተመስረታ እየን። እታ ቐዳመይቲ ዓንቀጽ፡ ሰሓቢ ወይ ዜእምን ዚመስል ዓለማዊ ኣተሓሳስባ ኽንሰምዕ ከለና እንታይ ክንገብር ከም ዘሎና ትገልጽ። እታ ኻልአይቲ ዓንቀጽ ድማ፡ ነቲ የሆዋ ዘተስፈወና ሽልማት ከይንረክብ ኪኽልክለና ዚኽእል ኣረኣእያታት ብኸመይ ከነወግዶ ኸም እንኽእል ትሕብረና።