ትሕዝቶ

ጸቕጥታትን ጭንቀትን ዓቕልና ኸም ዚጸብበናን ኣእዳውና ኸም ዚሕለላን ኪገብር ይኽእል እዩ። እታ ሓያል ኢድ የሆዋ ኽንጸንዕ ዜኽእል ሓይልን ብርታዐን ብኸመይ ክትህበና ኸም እትኽእል ርአ። በረኸት የሆዋ ንምርካብ ብኸመይ ‘ክትቃለስ’ ከም እትኽእል እውን ርአ።

ኣብ መላእ ምድሪ ዘለዉ ኣገልገልቲ ኣምላኽ ምስ ስርዓታት ቅዱሳት ጽሑፋት ተሰማሚዖም ምእንቲ ኺመላለሱ፡ ጽፉፍን ጽሩይን ኣብ ከባቢኦም ተቐባልነት ዘለዎን ኣከዳድናን ኣመለኻኽዓን ኪህልዎም እዮም ዚደልዩ። ኣከዳድናኻ ንኣምላኽ ዜኽብር እንተ ዀይኑ ብኸመይ ከተረጋግጽ ትኽእል፧

ኣብዘን ክልተ ዓንቀጻት እዚአን፡ መንእሰያት ንእምነቶም ምእንቲ ኼደልድልዋን ኪማጐቱላን ብኸመይ ምስትውዓል ኪጥቀሙ ኸም ዚኽእሉ ኽንርኢ ኢና። ብዘይካዚ፡ ክርስትያን ወለዲ ደቆም ኣብ ኣምላኽን ኣብ ቃሉን ዘለዎም እምነት ኬማዕብሉ ብኸመይ ብዚማርኽ መገዲ ኺሕግዝዎም ከም ዚኽእሉ ኽንርኢ ኢና።