ትሕዝቶ

ከም ኣገልገልቲ የሆዋ መጠን፡ ዓመት ዓመት ዳርጋ ርብዒ ሚልዮን ዝዀኑ ሰባት ኪጥመቑ ምርኣይ ብዙሕ የሐጕሰና እዩ። ብዙሓት ካብዞም ነዚ ኣገዳሲ ስጕምቲ ዚወስዱ ኸኣ መንእሰያት እዮም፣ አረ ገሊኦምሲ ገና ኣብ ዕድመ ኵትትና ወይ ጕርዝውና ኸይበጽሑ እዮም ተጠሚቖም። ኣብ ጐድኒ የሆዋ ኪቘሙ ኸም እተዳለዉ ብኸመይ ፈሊጦም፧ ንጥምቀትከ ብኸመይ ተዳልዮም፧ እዘን ክልተ ዓንቀጻት እዚአን፡ ነዚ ሕቶታት መልሲ ኺህባ እየን።

የሆዋ፡ ብሓድነትን ብምትሕብባርን ምስ እንዓዪ፡ ይባርኸና እዩ። እዛ ዓንቀጽ እዚኣ፡ ኣብ ኣገልግሎት፡ ኣብ ጉባኤ፡ ኣብ ስድራ ቤት፡ ሓድነት ኪህልወና ዚሕግዝ ሓሳባት ሒዛ ኣላ።

የሆዋ ንህዝቡ ወትሩ ብዜተኣማምን መገዲ ይመርሖም እዩ። እዛ ዓንቀጽ እዚኣ፡ ኣምላኽ መምስ ኵነታቱ ኸመይ ገይሩ ምትዕርራያት ከም ዝገበረ ትገልጽ። ካብ የሆዋ ኸመይ ጌርና መምርሒ ኸም እነናዲ እውን ክንርኢ ኢና።