ተስፋ ዚህብ ጸበባ

“ኣብተን ዳሕሮት መዓልትታት ግና ክፉእ ዘመን ከም ዚመጽእ፡ እዚ ፍለጥ።”—2 ጢሞቴዎስ 3:1።

ነዚ ዚስዕብ ዜሕዝን ፍጻመታት ብዓይንኻ ርኢኻ ወይ ብዛዕባኡ ሰሚዕካ ትፈልጥዶ፧

● ቀታሊ ሕማም ንሓያሎ ሰባት ቀዚፉ።

● ጥሜት ንኣማእታት ሰባት ቀቲሉ።

● ምንቅጥቃጥ ምድሪ ንኣሽሓት ቀቲሉ፡ ንሓያሎ ኻልኦት ከኣ ብዘይ መንበሪ ኸም ዚተርፉ ገይርዎም።

ኣብዚ ቐጺሉ ዘሎ ገጻት፡ ብዛዕባ እዝን ካልእን ዜሕዝን ፍጻመታት ክንምርምር ኢና። መጽሓፍ ቅዱስ፡ “ዳሕሮት መዓልትታት” ተባሂሉ ኣብ ዚጽዋዕ እዋን ብዛዕባ ዚፍጸም ከምዚ ዝኣመሰለ ነገራት ዚንበ ምዃኑ እውን ክንርኢ ኢና።a

እዘን ዓንቀጻት እዚኣተን፡ ብጸገም ኣብ ዝመልአት ዓለም ንነብር ምህላውና ንኼእምናኻ ኣይኰናን ተዳልየን። ምናልባት ገለ ኻብቲ ጸገማት ኣጋጢሙካ ኪኸውን ይኽእል እዩ። እዘን ዓንቀጻት እዚኣተን ግን፡ ተስፋ ንኽትገብር ተባሂለን እየን ተዳልየን። ፍጻመ እቲ ቐጺልና እንርእዮ ሽዱሽተ ትንቢታት፡ መወዳእታ እተን “ዳሕሮት መዓልትታት” ከም ዝቐረበ ዚሕብር ምዃኑ ንኽትርዳእ ኪሕግዛኻ እየን። ብዘይካዚ፡ ብዛዕባ እዚ ፍጻመታት እዚ ብተደጋጋሚ ዚስማዕ ተቓውሞ ኺገልጻን ድሕሪ ሓጺር እዋን ዝሓሸ መጻኢ ኸም ዚህሉ ዜእምን ብቑዕ ምኽንያት ኬቕርባን እየን።

[እግረ-ጽሑፍ]