መሃልየ መሃልይ
ስምካ ኸም ዝፈሰሰ ምዑዝ ዘይቲ እዩ።+
ስለዚ እየን ኣዋልድ ዜፍቅራኻ።
4 ምሳኻ ውሰደኒ፣* ንጕየ።
ንጉስ ናብ ውሽጣዊ ኽፍልታቱ ኣምጺኡኒ!
ብኣኻ ንተሓጐስን ባህ ይበለናን።
ሓለፋ ወይንስ መግለጺ ፍትወትካ ንወድስ።*
ንሳተን* ኬፍቅራኻስ ሓቀን እየን።
6 ጸሓይ ኣሕሪራትኒ እያ እሞ፡
ጸላም ስለ ዝዀንኩ፡ ኣይትጠምቱኒ።
ደቂ ኣደይ ተቘጢዖምኒ፣
ሓላዊት ኣታኽልቲ ወይኒ ገይሮምኒ፣
ናተይ ኣታኽልቲ ወይኒ ግና ኣይሓሎኹን።
ስለምንታይከ ኣብ መንጎ መጓሰ ብጾትካ
ብመጐልበቢ* ኸም እተጐልበበት ዝኸውን፧”
8 “ኣቲ ኻብ ኣንስቲ ዝጸበቕኪ፡
ኪዲ ኣሰር መጓሰ ስዓቢ፣
መሓስእኪ ድማ ኣብ ጥቓ ድንኳናት ጓሶት ጓስዪ።”
9 “ፍቕርተየ፡ ኣብ መንጎ ሰረገላታት ፈርኦን ብዘላ ባዝራ* እየ ዝምስለኪ።+
10 መዓጕርትኺ ምስ ስልማት* ምጩዋት እየን፣
ክሳድኪ ምስ ድሪ ኣዕናቝ እውን ከምኡ እዩ።
11 ጌጽ ብሩር ዘለዎ
ስልማት ወርቂ ኽንገብረልኪ ኢና።”
13 ፍቱወይ ንዓይ ከም ምዑዝ ቍጻር ከርበ እዩ፣+
ኣብ መንጎ ኣጥባተይ ድማ ይሓድር።
15 “እነኺ፡ ፍቕርተየ፡ ጽብቕቲ ኢኺ።
እነኺ፡ ጽብቕቲ ኢኺ። ኣዒንትኺ ኸም ናይ ረገቢት እየን።”+
16 “እነኻ፡ ፍቱወየ፡ ጽቡቕን ደስ እተብልን ኢኻ።+
ዓራትና ኣብ መንጎ ለምለም እዩ።
2 “ፍቕርተይሲ ኣብ መንጎ ኣዋልድ፡
ኣብ መንጎ እሾዅ ከም ዘላ ዕምባባ ሹሻን እያ።”
3 “ፍቱወይሲ ኣብ መንጎ ኣወዳት፡
ኣብ መንጎ ኣእዋም ዱር ከም ዘሎ ኦም ቱፋሕ እዩ።
ኣብ ጽላሉ ክቕመጥ ብርቱዕ ትምኒት ኣሎኒ፣
ፍሪኡ ድማ ጥዑም እዩ ዚጥዕመኒ።
4 ናብ ቤት ድግስ* ወሰደኒ፣
ኣብ ልዕለይ ዘሎ ሰንደቕ ዕላማኡ ፍቕሪ እዩ።
ባዕሉ ኽሳዕ ዜንቅድሲ፡ ፍቕሪ ኸተተንስኣ ወይ ከተበራብራ ኣይትፈትና።+
8 ድምጺ ፍቱወይ!
ኣኽራን እናሓዀረ፡ ኣብ ልዕሊ ዅርባታት እናዘለለ
እንሆ፡ ይመጽእ ኣሎ።
9 ፍቱወይ ከም ሰስሓን ከም ውላድ እራብን እዩ።+
ብድሕሪ መንደቕና ደው ኢሉ፡
ብመስኰት ይጥምት፡
ብዓይነ ርግቢ ይምልከት እንሆ።
10 ፍቱወይ ከምዚ ኢሉ ተዛሪቡኒ፦
‘ፍቕርተየ፡ ተንስኢ፣
ጽብቕተየ፡ ምሳይ ንዒ።
11 እንሆ፡ ክረምቲ ሓሊፉ።
ዝናም ከኣ ተወዲኡ፡ ከይዱ።
13 ኦም በለስ ቀዳማይ በለሱ ጐጒቡ፣+
ኣታኽልቲ ወይኒ ዓምቢቡስ መዓዛኡ ኣውጺኡ።
ፍቕርተየ፡ ተንስኢ እሞ ንዒ።
ጽብቕተየ፡ ምሳይ ንዒ።
14 ኣቲ ኣብ ልጉስ ክፋል ከውሒ፡+
ኣብ ሕቡእ ክፋል ጸድፊ ዘለኺ ርግበይ፡
ድምጽኺ ባህ ዜብል፡ መልክዕኪ እውን ምጩው እዩ እሞ፡+
መልክዕኪ ኣርእይኒ፡ ድምጽኺ ድማ ኣስምዕኒ።’”+
15 “ኣታኽልቲ ወይንና ዓምቢቡ እዩ እሞ፡
ነተን ንኣታኽልቲ ወይንና ዜበላሽዋ ወኻሩ፡
ነተን ኰራዅር ወኻሩ ሓዙልና።”
16 “ፍቱወይ ናተይ እዩ፡ ኣነ እውን ናቱ እየ።+
ንሱ ኣብ መንጎ ዕምባባታት ሹሻን ይጓሲ ኣሎ።+
ደለኽዎ፡ ግናኸ ኣይረኸብክዎን።+
ደለኽዎ፡ ግናኸ ኣይረኸብክዎን።
3 ኣብ ከተማ ዚዞሩ ሓለውቲ ረኸቡኒ።+
‘ነቲ ዘፍቅሮ* ርኢኹምዎዶ፧’
4 ቍሩብ ምስ ሓለፍክዎም፡
ነቲ ዘፍቅሮ* ረኸብክዎ።
5 ኣትን ኣዋልድ የሩሳሌም፡
ብሰስሓን ብእራብ መሮርን አምሕለክን ኣለኹ፦
ባዕሉ ኽሳዕ ዜንቅድሲ፡ ፍቕሪ ኸተተንስኣ ወይ ከተበራብራ ኣይትፈትና።”+
7 “እንሆ፡ ናይ ሰሎሞን ዓራት እዩ።
ካብ ጀጋኑ እስራኤል፡+
ስሳ ጀጋኑ ኸቢቦምዎ ኣለዉ።
8 ኵላቶም ሰይፊ እተዓጥቁ፡
ኵላቶም ንውግእ ዝሰልጠኑ፡
ካብ ሽበራ ለይቲ ንምሕላው ከኣ፡
ነፍሲ ወከፍ ሰይፉ ኣብ ጐድኑ እተዓጥቀ እዩ።”
10 ኣዕኑዱ ኻብ ብሩር፡
መደገፊኡ ኻብ ወርቂ እተገብረ እዩ።
መንበሩ ኻብ ጁዅ ዝሕብሩ ጸምሪ እዩ፣
ውሽጡ ድማ ኣዋልድ የሩሳሌም
ብፍቕሪ ዝሰለማኦ እዩ።”
4 “እነኺ፡ ፍቕርተየ፡ ጽብቕቲ ኢኺ።
እነኺ፡ ጽብቕቲ ኢኺ።
ኣዒንትኺ ብድሕሪ መጐልበቢኺ ኸም ናይ ረገቢት እየን።
ጸጕርኺ ኸምተን ካብ ኣኽራን ጊልዓድ ዚወርዳ
መጓሰ ኣጣል እዩ።+
2 ኣስናንኪ ኸምተን መማንታ ዝወለዳ፡
ዋላ ሓንቲአን ድማ ዕየታ ዘይሞታ
ተሓጺበን ዚድይባ
እተቐምቀማ ኣባጊዕ እየን።
3 ከናፍርኪ ኸም ቀይሕ ፍሕሶ፡
ዘረባኺ ኸኣ ደስ ዜብል እዩ።
መዓጕርትኺ* ብድሕሪ መጐልበቢኺ
ኸም ምቃል ሮማን እየን።
8 መርዓተየ፡ ካብ ሊባኖስ ምሳይ ንዒ፣
ካብ ሊባኖስ ምሳይ ንዒ።+
10 ሓብተየ፡ መርዓተየ፡ መግለጺ ፍትወትኪ ኽንደይ ይጽብቕ!+
11 መርዓተየ፡ ከናፍርኪ ኻብ ጎጎኡ ወለል ዚብል መዓር የንጠብጥብ።+
ኣብ ትሕቲ ልሳንኪ መዓርን ጸባን ኣሎ፣+
መዓዛ ኽዳውንትኺ ድማ ከም መዓዛ ሊባኖስ እዩ።
12 ሓብተየ፡ መርዓተየ፡ ከም እተሸጐረ ስፍራ ኣታኽልቲ፡
እወ፡ ከም እተሸጐረ ስፍራ ኣታኽልቲ፡ ከም ሕቱም ዓይኒ ማይ ኢኺ።
15 ናይ ስፍራ ኣታኽልቲ ዓይኒ ማይ፡ ፈልፋሊ ማይ ዒላ፡
ካብ ሊባኖስ ዚውሕዝ ወሓይዝ ኢኺ።+
16 ኣታ ንፋስ ሰሜን፡ ንቓሕ፣
ኣታ ንፋስ ደቡብ፡ ንዓ።
ኣብ ልዕሊ ስፍራ ኣታኽልተይ ንፈስ።*
መዓዛኡ ይዘርጋሕ።”
“ፍቱወይ ናብ ስፍራ ኣታኽልቱ ይምጻእ፡
ሕሩይ ፍረታቱ ድማ ይብላዕ።”
5 “ሓብተየ፡ መርዓተየ፡
ናብ ስፍራ ኣታኽልተይ ኣትየ።+
ከርበይን ሽቶይን ኣርየ።+
ጎጎ መዓረይን መዓረይን በሊዐ፣
ወይነይን ጸባይን ሰትየ።”+
“ኣቱም ኣዕሩኽ፡ ብልዑ!
ስተዩ እሞ፡ ብመግለጺ ፍትወት ስኸሩ!”+
2 “ኣነስ ደቂሰ፡ ልበይ ግና ነቒሑ ኣሎ።+
እናተዃሕኵሐ ድምጺ ፍቱወይ ሰሚዐ!
‘ሓብተየ፡ ፍቕርተየ፡
ርግበየ፡ ፍጽምተየ፡ ክፈትለይ!
ርእሰይሲ ብኣውሊ፡
ዘው ዝበለ ጸጕረይ ብጠሊ ለይቲ ጠልቅዩ።’+
3 ወለል ዚብል ክዳነይ ኣውጺአ እየ።
ክኽደኖዶ፧
ኣእጋረይ ተሓጺበ እየ።
ከርስሖዶ፧
4 ፍቱወይ ኢዱ ኻብ ነዃል ማዕጾ መለሰ፣
ንዕኡ ዘሎኒ ስምዒት ከኣ ተለዓዓለ።
5 ንፍቱወይ ክኸፍተሉ ተንሳእኩ፣
ኣእዳወይ ከርበ፡
ኣጻብዐይ ድማ ፈሳሲ ኸርበ
ኣብቲ መትሓዝ መሸጐሪ ኣንጠብጠበ።
6 ንፍቱወይ ከፈትኩሉ፣
ፍቱወይ ግና ረሓቐ፡ ከደ።
ምስ ነቐለ፡ ተስፋ ቐበጽኩ።*
ደለኽዎ፡ ግናኸ ኣይረኸብክዎን።+
ጸዋዕክዎ፡ ግናኸ ኣይመለሰለይን።
7 ኣብ ከተማ ዚዞሩ ሓለውቲ ረኸቡኒ።
ወቕዑኒ፡ ኣቝሰሉኒ።
ሓለውቲ መካበብያ ንመጐልበብየይ ወሰድዎ።
8 ኣትን ኣዋልድ የሩሳሌም፡ አምሕለክን ኣለኹ፦
ንፍቱወይ እንተ ረኺብክናኦ፡
ብፍቕሪ ኸም ዝሓመምኩ ንገራኦ።”
9 “ኣቲ ኻብ ኣንስቲ ዝጸበቕኪ፡
ፍቱውኪ ኻብ ካልእ ፍቱው ከመይ ኢሉ ይበልጽ፧
ከምዚ ጌርኪ እተምሕልናስ፡
ፍቱውኪ ኻብ ካልእ ፍቱው ከመይ ኢሉ ይበልጽ፧”
10 “ፍቱወይሲ ዜንጸባርቕን ቀይሕን እዩ፣
ኣብ መንጎ ዓሰርተ ሽሕ ምርኡይ እዩ።
11 ርእሱ ወርቂ፡ ጽሩይ ወርቂ እዩ።
ዘው ዝበለ ጸጕሩ፡ ሰሰው ከም ዚብል ጨናፍር ስየ፡*
ከም ኳዅ ጸሊም እዩ።
13 መዓጕርቱ ኸም መደብ ሽቱ፡+
ከም ኵምራታት ምዑዝ ኣትክልቲ እዩ።
ከናፍሩ ፈሳሲ ኸርበ ዜንጠብጥባ ዕምባባታት ሹሻን እየን።+
14 ኣእዳዉ ክሪሶሊት ዘለዎ ሲሊንደራት ወርቂ እየን።
ከብዱ ብሰፊሮስ እተሸፈነ ዅሉዕ ስኒ ሓርማዝ እዩ።
15 ኣእጋሩ ብጽሩይ ወርቂ ኣብ እተገብረ መቘሚ ዝቘመ እምነ በረድ እየን።
ትርኢቱ ኸም ሊባኖስ፡ ከም ቄድሮሳት መወዳድርቲ ዘይብሉ እዩ።+
ኣትን ኣዋልድ የሩሳሌም፡ ፍቱወይሲ እዚ እዩ፡ ፍቑረይሲ እዚ እዩ።”
6 “ኣቲ ኻብ ኣንስቲ ዝጸበቕኪ፡
ፍቱውኪ ናበይ ከይዱ፧
ምሳኺ ኽንደልዮስ፡
ፍቱውኪ ናበይ ኣቢሉ፧”
3 ኣነ ናይ ፍቱወይ እየ፣
ፍቱወይ ድማ ናተይ እዩ።+
ንሱ ኣብ መንጎ ዕምባባታት ሹሻን ይጓሲ ኣሎ።”+
ጸጕርኺ ኸምተን ካብ ጎቦታት ጊልዓድ ዚወርዳ፡
መጓሰ ኣጣል እዩ።+
6 ኣስናንኪ ኸምተን መማንታ ዝወለዳ፡
ዋላ ሓንቲአን ድማ ዕየታ ዘይሞታ
ተሓጺበን ዚድይባ
መጓሰ ኣባጊዕ እየን።
7 መዓጕርትኺ* ብድሕሪ መጐልበቢኺ
ኸም ምቃል ሮማን እየን።
9 ግናኸ፡ ርግበይ፡+ ፍጽምተይሲ፡ ሓንቲ እያ።
ንኣዲኣ ሓንቲ እያ።
ንወላዲታ ምርጽቲ* እያ።
ኣዋልድ ርእየን፡ ሕጕስቲ ይብላኣ፣
ንግስትታትን ኣንስቲ ወሰንን ድማ ይውድሳኣ።
10 ‘ከም ወጋሕታ እትበርህ፡*
ከም ምልእቲ ወርሒ ጽብቕቲ፡
ከም ብርሃን ጸሓይ ንጽህቲ
ኣብ ዙርያ ሰንደቕ ዕላማኦም ከም ዘለዉ ሰራዊት መሳጢት ዝዀነት እዚኣ መን እያ፧’”+
13 “ተመለሲ፡ ተመለሲ፡ ኣቲ ሹላማዊት!
ክንርእየክስ
ተመለሲ፡ ተመለሲ!”
“ስለምንታይ ኢኹም ነታ ሹላማዊት እትጥምትዋ፧”+
“ንሳስ ከም ሳዕስዒት ክልተ ጕጅለ* እያ!”
7 “ኣቲ ኽብርቲ ጓል፡
ኣእጋርኪ ኣብ ኣሳእንኪ ኽንደይ ይጽብቓ!
ቅርጺ ሰለፍኪ ኸም ስልማት፡
ከም ዕዮ ኢደ ጥበበኛ እዩ።
2 ሕምብርትኺ ኸቢብ ጭሔሎ እዩ።
እተሓዋወሰ ወይኒ ኣይጕደሎ።
ከብድኺ ብዕምባባታት ሹሻን ከም እተኸብበ
ኵምራ ስርናይ እዩ።
3 ክልቲአን ኣጥባትኪ ኸም ክልተ ማሕስእ፡
ከምተን ናይ ሰስሓ ማንታ እየን።+
ኣፍንጫኺ ኸምቲ ናብ ደማስቆ ገጹ ዜርኢ
ግምቢ ሊባኖስ እዩ።
ንጉስ በቲ ዛውያኺ ተማሪኹ።*
6 ፍቕርተየ፡ ካብ ኵሉ ኣዝዩ ደስ ዜብል ንላዕልስ
ክንደይ ትጽብቒ፡ ክንደይከ ባህ ተብሊ!
8 ‘ኣብ ኦም ስየ ኽድይብ፡
ነቲ ጨናፍር ምስ ፍሪኡ ኽሕዝ እየ’ በልኩ።
ኣጥባትኪ ኸም ዘለላ ወይኒ፡
ትንፋስኪ ኸኣ ከም ቱፋሕ ምዑዝ ይኹን።
9 ኣፍኪ* ድማ ከም ብሉጽ ወይኒ ይኹን።”
“ከምቲ ኣብ ከናፍር እቶም ዝደቀሱ ቐስ ኢሉ ዚፈስስ፡
ንፍቱወይ ሰተት ኢሉ ይውረደሉ።
10 ኣነ ናይ ፍቱወይ እየ፣+
ትምኒቱ ኸኣ ናባይ እዩ።
ኣብኡ ፍትወተይ ክገልጸልካ እየ።
ፍቱወየ፡ ሓድሽን ዝጸንሐን
ዓቚረልካ ኣለኹ።
8 “ኣየ ኸምቲ ኣጥባት ኣደይ ዝጠበወ
ሓወይ እንተ ትኸውን!
ሽዑ፡ ኣብ ወጻኢ እንተ ዝረኽበካ፡ ምሰዓምኩኻ፣+
ዋላ ሓደ እውን ኣይምነዓቐንን።
እተቐምመ ወይኒ፡
ጽማቝ ሮማን መስተኹኻ።
3 ጸጋመይቲ ኢዱ መተርኣሰትኒ፣
የማነይቲ ኢዱ ኸኣ ምሓቘፈትኒ።+
4 ኣትን ኣዋልድ የሩሳሌም፡ አምሕለክን ኣለኹ፦
ባዕሉ ኽሳዕ ዜንቅድሲ፡ ፍቕሪ ኸተተንስኣ ወይ ከተበራብራ ኣይትፈትና።”+
5 “እዛ ኣብ ፍቱዋ ተመርኲሳ
ኻብ በረኻ እትመጽእ ዘላ መን እያ፧”
“ኣብ ትሕቲ ኦም ቱፋሕ ኣንቃሕኩኻ።
ኣብኡ ኣዴኻ ቕልውላው ሓዛ።
ኣብኡ ብጻዕሪ ወለደትካ።
6 ከም ማሕተም ኣብ ልብኻ፡
ከም ማሕተም ኣብ ቅልጽምካ ኣንብረኒ።
ሃልሃልታኣ ኸኣ ዚነድድ ሓዊ፡ ሃልሃልታ ያህ* እዩ።+
ሰብሲ ምእንቲ ፍቕሪ ኢሉ ዅሉ ጥሪት ቤቱ እንተ ዜቕርብ፡
እዚ* ብጥራስ ምተናዕቀ።”
8 “ጡብ ዘየውጽአት
ንእሽቶ ሓብቲ ኣላትና።+
በታ ብዛዕባኣ ዚዝረበላ መዓልቲ
ንሓብትና እንታይ ክንገብረላ ኢና፧”
9 “መንደቕ እንተ ዀይና፡
ኣብ ልዕሊኣ መጋረዲ ብሩር ክንሰርሕ ኢና፣
ማዕጾ እንተ ዀይና ግና፡
ብኣልዋሕ ቄድሮስ ክንዓጽዋ ኢና።”
10 “ኣነስ መንደቕ እየ፣
ኣጥባተይ ከኣ ከም ግምብታት እየን።
ስለዚ፡ ኣብ ኣዒንቱ፡
ሰላም ከም ዝረኸበት ኰንኩ።
11 ሰሎሞን ኣብ በዓል-ሃሞን ኣታኽልቲ ወይኒ ነበሮ።+
ነቲ ኣታኽልቲ ወይኒ ድማ ንሓለውቲ ብሕድሪ ሃቦ።
ነፍሲ ወከፎም ኣብ ክንዲ ፍሪኡ ሽሕ ብሩር የምጽኡ ነበሩ።
12 እታ ናተይ ኣታኽልቲ ወይኒ ኣብ ቅድመይ እያ።
ኦ ሰሎሞን፡ ሽሕ ብሩርሲ* ናትካ፡
ክልተ ሚእቲ ድማ ናይቶም ፍሪኡ ዚሕልዉ እዩ።”
13 “ኣቲ ኣብ ስፍራ ኣታኽልቲ እትቕመጢ፡+
እቶም ብጾትሲ ንድምጽኺ ጽን ይብሉ እዮም።
ንዓይ ግዳ ኣስምዕኒ!”+
ወይ፡ “መዝሙር መዝሙራት፣ ብሉጽ መዝሙር።”
ቃ.ቃ.፡ “ደድሕሬኻ ስሓበኒ።”
ወይ፡ “ንጸብጽብ።”
ማለት፡ እተን ኣዋልድ።
ወይ፡ “ኣታ ነፍሰይ እተፍቅረካ።”
ወይ፡ “ብናይ ሓዘን መጐልበቢ።”
ወይ፡ “ባዝራይ።”
ወይ፡ “ኣብ መንጎ ቝኖ ጸጕርኺ።”
ቃ.ቃ.፡ “ናርዶሰይ።”
ወይ፡ “ዓብዪ ቤትና።”
ወይ፡ “ተርሚን።”
ቃ.ቃ.፡ “ቤት ወይኒ።”
ቃ.ቃ.፡ “መዓልቲ ኽሳዕ ፍሽፍሽ ዚብል።”
ወይ፡ “ኣኽራን ቋቝራ” ኪኸውን ይኽእል። ወይ፡ “ኣኽራን ቤተር።”
ወይ፡ “ነቲ ነፍሰይ እተፍቅሮ።”
ወይ፡ “ነቲ ነፍሰይ እተፍቅሮ።”
ወይ፡ “ነቲ ነፍሰይ እተፍቅሮ።”
ወይ፡ “ነቲ ነፍሰይ እተፍቅሮ።”
ኣገዳሲ ሰብ ዚጽወረሉ እተሸፈነ ዓራት።
ወይ፡ “ኣኽሊል ዕምባባ፣ ኣኽሊል ቈጽሊ።”
ወይ፡ “መታልሕኪ።”
ቃ.ቃ.፡ “መዓልቲ ኽሳዕ ፍሽፍሽ ዚብል።”
ወይ፡ “መንጽር ሊባኖስ።”
ወይ፡ “ቈርበትኪ” ኪኸውን ይኽእል።
ወይ፡ “ስፍራ ኣታኽልቲ።”
ምዑዝ ሻምብቆ።
ወይ፡ “ፍሽፍሽ በል።”
ወይ፡ “ምስ ነቐለ፡ ነፍሰይ ወጸት።” ወይ፡ “ምስ ተዛረበ፡ ነፍሰይ ሓደገትኒ” ኪኸውን ይኽእል።
ወይ፡ “ከም ዘለላታት ተምሪ” ኪኸውን ይኽእል።
ወይ፡ “ጥርዝታት ዓይኒ ማይ” ኪኸውን ይኽእል።
ቃ.ቃ.፡ “ትንሓጉ።”
ወይ፡ “ባህ እተብል ከተማ።”
ወይ፡ “መታልሕኪ።”
ቃ.ቃ.፡ “ንጽህቲ።”
ቃ.ቃ.፡ “ኣንቈልቊላ እትጥምት።”
ወይ፡ “ርባ።”
ወይ፡ “ኣጒሙ።”
ወይ፡ “ነፍሰይ።”
ወይ፡ “ፍቓደኛታት።”
ወይ፡ “ሳዕስዒት ማሓናዪም።”
ቃ.ቃ.፡ “ርእስኺ።”
ወይ፡ “ተኣሲሩ።”
ቃ.ቃ.፡ “ትንሓግኪ።”
ወይ፡ “ኣጒሙ።”
ወይ፡ “ሲኦል፡” ማለት፡ ሓፈሻዊ መቓብር ደቂ ሰብ። ኣብ ማህደረ ቓላት ርአ።
“ያህ” ኣሕጽሮት ስም የሆዋ እዩ።
ወይ፡ “ንሱ” ኪኸውን ይኽእል።
ቃ.ቃ.፡ “ሽሕሲ።”