Kutimea kixo Natíxea Itukóꞌoviti?

YUHO RA EMOꞌU ITUKÓꞌOVITI

“Itukóꞌoviti porexoâtimo xeꞌéxa itúkeovo koati hánaꞌiti nâti koati ákotinemo hunókoku natíxea.” — Lúka 1:32, 33, Emoꞌu Itukóꞌoviti.

NAKOETI ÚNATI VÉXEA

Governu ponóvoti . . .

• huvoꞌóxopiti vidana îti kóꞌoyene. — Lúka 11:28.

• îti ákonemo arinéti xoko governu enotimo elókeyea yokóvo. — Apokalípisi 21:3, 4.

MOTOVAMEA VAKUTIPEA ÛTI EMOꞌU ITUKÓꞌOVITI?

Eêm, yokómoma piꞌâti kanáꞌuti:

• Apêti yâyeke pokéꞌe Njesus Kristu éxokoa kuteamo itúkea ra reinu Itukóꞌoviti. Njesus Kristu ihíkaxoa pone hokoâti ya itúkea orásaum épemea kenóꞌokea ra reinu Itukóꞌoviti koane itúkea âha yâyeke pokéꞌe. — Máteu 6:9, 10.

  Apêti yâyeke pokéꞌeke Njesus poréxoa nikokónoti xanéhiko koíteovomaka kaꞌaríneti exépukopoa ivokóvoti. (Máteu 15:29-38; Xuâum 11:38-44) Njesus éxokoa kutimo itukôa yâyeke pokéꞌeke ya natíxea Itukóꞌoviti. — Apokalípisi 11:15.

• Ákone ahíkapu reinu Itukóꞌoviti voꞌoku komómoane ûti ya heú koeti apêti koeku mêum. Njesus koyúho ya xanéhiko tumúneke seupea reinu Itukóꞌoviti yâyeke pokéꞌe apeya isusúkoti ênoti hímakati koane iyuyôti pokéꞌe. — Máteu 24:3, 7.

  Komomoane ûti kuteâti motováti vakutipea pone reinu Itukóꞌoviti ukeꞌexopoatimo heú koeti ákoti aunáti.