Motovamea ivokóvoti aukópovotimo apeya vidana?

YUHO RA EMOꞌU ITUKÓꞌOVITI

“Exépukopeamo ivokóvoti apeya vidana.” — Átu 24:15, Emoꞌu Itukóꞌoviti.

NAKOETI ÚNATI VÉXEA

Yexea kanáꞌuti huvóꞌoxopitimo . . .

kohepekea iséneu ya ivókeovo xâne yaháꞌaxo. — 2 Koríntiu 1:3, 4.

ákonemo píke ivokóvotiya. — Êbereu 2:15.

apêtimo káxe tokópea viyénoxapa ínikonehiko ivokóvoti. — Xuâum 5:28, 29.

MOTOVAMEA VAKUTIPEA ÛTI EMOꞌU ITUKÓꞌOVITI?

Êem, yokómoma mopoꞌâti kanáꞌuti:

• Itukóꞌoviti poréxovi vapeya. Koyúho Mbiblia Njeova Itukóꞌoviti koáhati énomone porexóꞌovi vapeya koane vómixekuyeovo. (Átu 17:24, 25) Itukóꞌoviti porexôa vidana heú koeti motovâ vakutipea poréxeamo vidana xanéhiko ivokóvoti.

• Itukóꞌoviti koéxepukopo xâne xapa ivokóvoti. Koyúho Mbiblia ape oitu xanéhiko, hóyenohiko senóhiko, exepúkopo ya apeya ya pokéꞌe. Ápemaka xâne ivokóvoti ya kuáturuxope káxe exépukone. — Xuâum 11:39-44.

• Itukóꞌoviti ênoti kaháꞌa itúkopea kuteati. Itukóꞌoviti puvó ivokóvoti; enepone vanáne ênoti kaháꞌa ukeꞌeyea. (1 Koríntiu 15:26) Exepúkopotimo heú koeti apêti ivokóvoti apeya vidana yâyeke pokéꞌeke.