Pone kotíveti koekúti ukeꞌépotimomea?

YUHO RA EMOꞌU ITUKÓꞌOVITI

“Kihuꞌíkopinoatinemo Itukóꞌoviti uhá koeti hoꞌoûke ne xanéhiko. Yane ákonemo iyôtiya, ákonemakamo ivokóvotiya, koane ikaxúneti okovóti, koane kohóneti.” — Apokalípisi 21:3, 4, Emoꞌu Itukóꞌoviti.

NAKOETI ÚNATI VÉXEA

Motovâtimo véxea . . .

Itukóꞌoviti ako poréxovi kotíveti koekúti. — Teâku 1:13.

yupíhapunemaka unako kêku Itukóꞌoviti katarakopitimo. — 1 Pêturu 5:7.

natíxea Itukóꞌoviti ukéꞌetimo heú koeti ákoti aunáti. — 2 Pêturu 3:13.

MOTOVAMEA VAKUTIPEA ÛTI EMOꞌU ITUKÓꞌOVITI?

Eêm, yokómoma piꞌâti kanáꞌuti:

• Itukóꞌoviti púvo kotíveti koekúti koane vaheréxoti kixoku. Koyúho Mbiblia nakoe ópea Itukóꞌoviti ya apeya kotíveti koekúti xânena. Koyuhó Mbiblia: “Noinjoâti varúꞌinevo koeku koítoponeovohiko kotíveti” — Átu 7:34, Emoꞌu Itukóꞌoviti.

  Xanéhiko itúkoti ákoti aunáti ya poꞌínuhiko Itukóꞌoviti koperaxoatimo. Koyuho Mbiblia “undínemo porexópinopea undínemo itukópinopi yésaꞌi” yuxeovo utinoe Itukóꞌoviti”. — Rómanu 12:19.

• Voꞌoku anêko ûke Itukóꞌoviti. Koyonoâti ne ponóvoti kixoku koane usó kóyemaka kamokénoa koekúti ne épemonehiko. — 1 Pêturu 3:12.

  Ya natíxea Njeova ukeꞌexópoatimo heú koeti kotivéti koekúti. (Máteu 6:9, 10) Koane ápe hanáꞌiti seánakovi ya oposíkoati. — Átu 17:27; 2 Koríntiu 1:3, 4.