Lungiselela Timphendvulo Letakhako

Emihlanganweni yetfu yelibandla, sitfola litfuba lekukhutsata bazalwane betfu nabodzadze ngetimphendvulo tetfu. (Heb. 10:24, 25) Singatilungiselela njani timphendvulo letitawukhutsata labanye?

• Thantaza kuJehova. Mcele akusite usho imphendvulo letamdvumisa futsi ikhutsate labanye.​—Hla. 35:18.

• Timisele kungafundzi kakhulu lokubhalwe phansi. Nawuphendvula ngemavi akho, labanye batawukhutsateka nabakuva uveta kukholwa kwakho.

• Shano imphendvulo lemfishane. Ngalokuvamile timphendvulo letimfishane naletimelula tingabakhutsata kakhulu labanye futsi tibanike litfuba lekutsi nabo baphendvule.​—Taga 10:19.

• Timphendvulo takho atakhe. Kugweme kweluleka labanye nobe kusola libandla nobe lomunye nje umKhristu nawuphendvula.

Ngisho nobe ungakakhonjwa, usengabakha labanye. Lalelisisa futsi ubabonge ngetimphendvulo tabo, ubatjele loko lokutsandzile.​—Taga 10:21.