Khulisa Indlela Lowetsemba Ngayo Kutsi Jehova Angakusindzisa

Fundza Numeri 13:25–14:4 kuze ubone indlela ema-Israyeli bekangametsembi ngayo Jehova.

Fundza lokunyenti ngalendzaba. Yini lebekufanele yente ema-Israyeli aciniseke kutsi Jehova utawukhona kuwasindzisa njengobe aphuma eGibhithe? (Hla. 78:12-16, 43-53) Yini leyawenta angasametsembi Jehova? (Dut. 1:26-28) BoJoshuwa naKhalebi bakhombisa njani kutsi bayametsemba Jehova?​—Num. 14:6-9.

Ngena ujule. Yini ema-Israyeli lebekufanele ngabe ayenta kuze ametsembe kakhulu Jehova? (Hla. 9:10; 22:4; 78:11) Ngukuphi kuhlobana lokukhona emkhatsini wekwetsemba Jehova nekumhlonipha?​—Num. 14:11.

Buka kutsi ufundzeni. Tibute:

• ‘Ngutiphi timo letingenta kube matima kutsi ngimetsembe ngalokuphelele Jehova?’

• ‘Ngingayikhulisa njani indlela lengimetsemba ngayo Jehova nyalo nasesikhatsini lesitako?’

• ‘Yini lengiciniseka ngayo njengobe kusondzela kuhlupheka lokukhulu?’​—Luk. 21:25-28.